يسري حنفي محمد علي
…………..
خاص بمسابقة همسة الدورة الحالية
…………
كاااان ياما كااااااااااان
………..
ملك الحواديت
أصبح نعسااااااااااااان
ما بقاش بيطير بحصان
ما بقاش عارف غير بس
ينام وان قام بيقوم كسلان
وأميرة حواديته التايهه
بتكلم روحها ساعات
وساعات بتنغي كتييييير
وغناها مهوش مفهوم
لكن مليان احزان
احيان تمسك الوان
وتشخبط ع الجدران
رسومات ورتوش
ووشوش عاجزين
طب فين الشاطر..؟
يا اميرة
ابو وجه صبوح
مش موجود!!!
طب فين الاهل الناس..؟
الجيرة .بتاعت اهل زمان
والخوف على بعض
مش موجود!!!
موعود مش باين.؟
يا دي الحلم خلاص
والناس عايشين بالويل
والكيل بقى أييييييييييييييه
عرمان بالقهر وبالحرمان
وبساطنا السحري صبح باطل
ولا عدش يسافر اي مكان
ولا حتى نا فعنا نصلي عليه
والدنيا بكرسيها خدتنا
وازاي ها نصدق بعض
والارض تساعنا بجد
واحنا حياتنا صبحت
كدب ف مكر ف عند
والعادل فينا صبح متهان
ودا كان ياما كان
ملك الحوديت
بيلف الكون ويجيب ف حاجات
والشاطر كان بيعدي البحر
يشق جبال وبلاد
ويا (سعد كرام)
كانت ست الحسن زمان
خيرها على كل الخلق
ولا كانت تبخل يوم
على حد ويااااااااااااه
ودا كان ف الجد مش الحوديت
توته توته لسه الشاطر
نايم هوووووووووه
في الطل لابيت ولا اهل
ولا حتى امان
ولا سيف ولا رمح
ولا حتى حصان
أصبح نعسان
آااااان…. ياما… آاااااااان
ملك ا ل ح وا د ي ت!!!!!!!!!
………………………….
