من النهاردة . مسابقة الشعر العامى .بقلم / صلاح صابر الطوخي . مصر

صلاح صابر الطوخي
جمهورية مصر العربية
عاميه….خاص بالمسابقه
من النهاردة
هخلي قصيدي تتلون
بلون شعرك المتحني
هخليها بقي تغني وترسم
يجي ميت لوحه مشفش منها
الا عيونك الحلوين
هخليها تلبس كمان موضه
فتتزين ورود الدنيا علشانك
هخليها تشيل همك واحزانك
هخليها بطعم الحب والسكر
تدوقيها تدوبي اوام في معانيها
وتقولي الله وغنيها
فغنيها لحن جميل علشانك
من النهارده خلاص مفيش
كلام يتقال الإ عن هواكي وبس
مفيش كلام يتقال الإ بيوصفك
يتحس
هجمع كل حروفي واغزلها توب
علي ادك انتي وبس
هركب حصان انا وامشي
ف عكس الناس وبالمقلوب
يقولوا هيه اللي سحرالو
وشورت هيه علي جنانو
وشرب الخمر من كاسها
واهو داير يلف ويغزل حرف
العشق ف احساسها
وعكس الناس وبالمقلوب
ولا يهمك هعدلها
ما انا اصلي اللي غازلها
علي ادك
ليعرف حد يعدلها
ولا يفهم ايه عننا مكتوب
من النهارده نويت
اجمع كل كلام وراح اعمله
اغاني يخدني هواكي
ف ليل لبعيد
يرجعني هنا عندك
ومن تاني
يغربني يقربني
لكن عنك ما يبعدني
يرجعني هنا عندك ومن تاني
كلام يخليني تايه وانا بقراااه
ومعرفش انا كتتبتو بس ازاي
وارجع من جديد اقراااه
واقول معقول انا اللي راسم
كل حروف العشق دي جواه
تقولي اه
يعني من النهارده
اكتب كل قصيدي
والونها بلون شعرك
تقولي اه
اكتب كل حروفي
عشقي انا وانتي
خلينا ندوق معناه.
كلمات صلاح صابر الطوخي