خاص بمسابقة مجلة همسة ..
نعى العروبة……… بقلم / طارق العجمى .
……………………………………….
طل النهار …
من شرفة الليل الحزين
شاف انكسار قبل الغروب
الساعة واقفة والعقارب
مشدودين.
والظهر عاقد جبهت
والعصر ناقصه ركعتين ..
طليت عل وش النهار
بعصر مرار
من منظرة
مشتاق لحبات الندى
ماسك فى ايدى سبحتى
وبسبح الــ …. فجر المجيد
ودعائى جوة المأذنة
ينطق
بكل الألسنة
عنده اقتدار
يفضل يوحد يرتجل
2000 سنة
فارد كفوفة للحياة.
الصبح ناعس
فى غيابات الأمل
حاضن عقول الإبتكار
ونفسة يوصل للهدف
والسجن مليان ابتزاز
ساجنا رغم ان الحيطان
اتكسرت
بتنا فى زنازن من براح
ومافيش سماح
والكون براح للى عشق..؟
عدى النهار والصبح
فاق من غفوتة
والفجر مات
قبل الشروق بساعات
كل الأدلة والشهود
بيقروا إن
الموت برئ من دمنا
متنا بنخنق نفسنا
والكفر كان
إيمانه أقوى من
صلاتنا ف سرنا
دبحوا عروبتى فــ
وقت عيد
والى يكيد
أهل العروبة ملمومين
يتفرجوا على نحرهم
مين زيهم؟؟؟؟
قتلوا الضمير
ما لاجل يرضوا نفسهم
الرغبة كانت
فى الرمال .. والطين
نسيوا انهم..؟
من تحت منهم مخلوقين
اصلك …………… تراب
دمك بيحنى للخضار
عروبتنا ليه متشتته
ليه كل حلمك فى السفر
اكسر قانون الهجرة
اصنع وابتكر
خطط لطفلك يبقى قائد
مصر او والى ونبى
يعقوب صبر
على فراقة للصبى
اصبح ضرير
لاكنه شايف حكمتة.
بس احنا ليه
القدوة فينا مش نبى
علشان نصدق رؤيتة.
………………………….
