.. ============= نفسى اعيش زى اللى عاشوا قبلنا او حتى اموت ماهم اللى ماتوا مننا ———————— هيا الحياه من غير امانى تهمنا حتى الممات لو فى معاصى يغمنا ———————- اصل الحياه والموت فيها نساوى بعضنا الغنى زى الفقير مترين قماش يمكن بلاش بتلفنا ———————- نفسى اعرف حاجة حلوة هاتيجى بكرا تسرنا نفسى اعمل خير لاهل الخير وكلمة واحده تلمنا ——————– الدين محبة والخير محبة تعالوا نعبد ربنا ايد فى ايد والخير يزيد نحب مصر امنا ——————— البعيد نسأل عليه والقريب ده يبقى برضة ابننا لو شفت عيب تعالى قولى ليه بس يطلع سرنا ———————- خلى المحبة تزيد محبة يكون مكانك قلبنا ان كنت عاصى وجيت تتوب اكيد يضمك حضننا ————————— اصل اللى بينا شئ كبير ومصر اكبر حلمنا خليك حليم بالحلم تعلا وسطنا ———————— انا قلت قولى وانت الكبير عليك تلم شملنا استر عليا واستر عليك الستر حكمة ربنا ————————- ولسه باقى كتير كلام وفيه آلام بتهزنا فى دمار وفى خراب عمرة ما يكسر عزمنا ———————- حتى الشهيد يوم ما مات دمه خضر ارضنا وحقه بكرا وبكرا ات هتجيبه قوة جندنا ———————- المصرى عنده جذور اصيله والنخل عالى فى ارضنا والهمه فى عيون الرجال حتى المُحال ما يصدنا ———————— تعالوا نبنى فى المصانع ونزق مكنه بعزمنا تعالوا نبنى فى الحارات او حتى كوخ يلمنا ———————- مش كل حاجة بس هات طب هات تعالى عندنا انا وانت نعمل من سكات والخير هيبقى لابننا ———————— نفسى اعيش وتعيش معايا ليه كل واحد مننا عايش لوحده وبس ذاته وناسى مصر امنا —————————– الدنيا حلوة والحياه تحلا بلمة جمعنا واللى انكسر منا فى يوم هتعيده قوة عزمنا نفسى اعيش =========== \\\\ عونى هشام\\\
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
