……………….. نفس الوشوش من غير رتوش أولادنا راجعين فى النعوش ومين ياناس يقدر يحوش الدمعه غطت ع الرموش أحكى لمين ولا اللى فوق اصلآ يناس. مبيفهموش ياااااااااه ع الهاموش لما يلفلف وشنا وينبدر لما الصغار تفضل تعافر ذينا وحلمها كده ينكسر والاهاه تملى فى حلقنا لما يموت فينا الامل ماتقلى ايه يبقى العمل الفرح راجع ولا ده مش محتمل الغدر ماشى فى سكته ذى الصاروخ ومن اللى حاصل يابلد شعبك يدوخ بينفجر فى كل يوم يجى ميت نافوخ دم الولاد لون كمان أرض الوطن وزاد معاه أشياء كتيره من المحن هوا أبتلاء ولااحنا لسه بنُمتحن فين الطريق فى الشده راح فين الصديق ولا خلاص دم الولاد هيروح هدر دم البريئ ميكنش عايزين يزرعو فى قلوبنا خوف ميكنش عايزين أننا ننسى الحروف يادى الظروف لما يموت فيكى الجدع لما يعيش فيكى الخسيس بألف وش والف لون لما يكون كل كلامك ع الظنون روحى أسألى ضارب الودع وهوا ايه المبتدع متقولى ايه المتبع لحد امتى هتشجبى وفى الولاد هتعذبى ع الحظ ليه كده تندبى ياأم الحضاره والتاريخ فين المدد لما يموت فيكى الولد وسلاحه دايمآ بين أدييه ميت وبيحافظ عليه…ماتقولى ايه المستجد لما يموت صوت الكلام لما نعيش تانى فى الألام لما نشوف فيكى الدموع على ألف خد أه يابلد أه يابلد
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
