فى تعليقه على مايفعله لاعب الزمالك شيكابالا وما حدث منه تجاه رئيس اتحاد الكرة أحمد مجاهد فى لحظات تسليم درع الدورى قال الإعلامى هانى حتحوت
شيكابالا قال لأحمد مجاهد انت أهلاوي وخدنا الدوري غصب عنك وتلفظ ببعض الألفاظ بعض رفض مجاهد خروج شيكابالا من الملعب ودخوله تاني.. عقوبة شيكابالا هتكون كبيرة وغير مسبوقة وفي واقعة تحريض على سب جمهور الأهلي ومحاولة التهجم على مجاهد والعقوبة خلال 48 ساعة
– أنا مستغرب ازاي شيكابالا مش حاسس أنه غلطان في ماتش الزمالك والانتاج الحربي.. ليه تجيب سيرة الأهلي؟ معروف إن شيكابالا لما بيشاور بإيده فجمهور الزمالك يشتم الأهلي.. ليه ياخد حقه من جمهور الاهلي؟
– مشكلة شيكابالا إنه بيفتكر إنه لما بيفوز ببطولة تبقى نهاية العالم .. الأهلي كسبان 4 بطولات في 8 أشهر .. بيخلص بطولة ويدخل في اللي بعدها ومبيفرحش .. أنت تخلص بطولة بعد 5 سنوات أول حاجة فكرت فيها شتمت الأهلي .. طبيعي مش هتاخد الدوري اللي جاي .. ودي مشكلة الزمالك
