سيناريو فيلم هروب شادى الشافعى
مشهد 1 نهار \ خارجى ساحة ملاكمة شعبية
زين جالس بجوار ربيع الضو فى اول صف امام حلبة الملاكمة
يشاهدون جيكا يلاكم رجل ضخم وعينايا جيكا مقفلة من اثار
الضرب ريم تصور الماتش بكاميرا فيديو
زين :جابر جابر متشجع يا معلم حلل القرشين اللى هتلفهم من وراه
ربيع : ده شكله هيخسر يا زين
زين : ده جيكا النمر يا عمنا جيكا النمر يخسر صلى على النبى فى قلبك
ربيع : عليه الصلاة والسلام
زين : يا برنس لو خسر هشيل عنك المتين بلبل
ربيع : حيث كده ماشى
زين : بس لو كسب هاخد 150 بلبل مش 100 احنا بنشقو يابا
ربيع : ده كتير يا زين
زين : يا عمنا انت ولا خدت بونية فى عينك وبنعملك اعلان لمحلك فى ماتش
النمر كل الناس دى هيت هتشترى من عندك
ربيع : بردك كتير يا زين والواد اللى قصاده جتة وممكن يدغدغ النمر
زين : يدغدغ مين يا جدع
جيكا : فى حاجة يالا يا زين
ربيع : لا دنا بشكر فيك يا نمر بقول انك هتكسر الولا
زين : لا شوف حالك انت يا جيكا المعلم هدى المحركات
( يضحك زين ويرى امامه جيكا
يعطى الضربة القاضية ويقع الخصم ) عليا النعمة لتدفع المتين بلبل كلهم
مشهد 2 نهار \ خارجى حارة فى الحسين
جابر وزين يسيران فى الحارة
جيكا : حرام عليك قصيت ربيع جامد
وخليته كان هيعيط زى النسوان
زين : ده تعبنا وشقانا يا نمر وبعدين منتا عارف القرشين بيجو
بيتصرفو على الناس اللى معانا قبل ما نئفش منهم بلبل واحد وبعدين انت اللى تقول كده احق واحد بالفلوس دى انت يا نمر انت اللى رقدت الواد زى الدبيحة
جيكا : لا انت ان جيت للحق ربك سترها ببركة الشهر الكريم الواد جرم يا زين ربك كريم
زين : وانت النمر يا عمهم وكل جتة ليها عندك ملكة انا جعان نوم هفك انا يلزمك منى حاجة يا زميل
جيكا : طير يا كبير
( يرون امامهم سيدة تسير تحمل فى يديها حقائب السوق الثقيلة يحملها عنها جيكا )
جيكا : عنك ياما
السيدة : متشكرة يبنى ده البيت قريب
جيكا : معلش ياما عنك الدنيا صيام
مشهد 3 نهار \ داخلى بلكونة شقة جابر
هدى تنشر الغسيل تجد زين يمر فى الحارة فتنظر له سارحة شاردة وفى فمها مشبك الغسيل
صوت الام تنادى من بعيد )) ا لام : يا هدى يا بت يا هدى كل ده بتنشرى الغسيل
هدى : خلصت ياما حاضر جاية اهو بنشر اخر حتتين
مشهد 4 نهار \ داخلى مكتب الظابط حسام
يدخل جيكا مكتب الظابط حسام فيقف حسام ويتصافحان
جيكا : صباح الخير يا باشا
حسام : جابر توك ما افتكرت يا جيكا اشحال ماكناش عيش وملح ودفعة واحدة فى كلية الحقوق
جيكا : انا بسئل اهو يا باشا انت اللى مبتعديش والله هنعمل معاك الواجب
حسام : والله مشاغل يا جيكا سلملى على الحاج كامل عبد الحق والحاجة فاطمة
جيكا : طب ما تيجى تفطر معانا انهارده وتوصل لهم السلام بنفسك
حسام : معلش مش هقدر يا جيكا معزوم عند فاتن خطيبتى
جيكا : اللى يريحك يا حسام باشا
حسام : باشا ايه يا نمر احنا اخوات يلا
جيكا : ماشى يا حسام
حسام : قولى اخبار الملاكمة ايه
جيكا : مش باين على وشى ولا ايه اهو بخبط فى اى مصلحة
حسام : مش ناوى تشتغل محامى يا ابنى
جيكا : سايبين القانون لناسه يا باشا ياكلو عيش
حسام : يا بنى خسارة الليسانس اللى انت خدتو فى المرامات
جيكا : كل واحد بياخد نصيبه يا باشا
مشهد 5 ليل \ داخلى صالة شقة جيكا
العائلة مجتمعة على السفرة فى الصالة وقت اذان المغرب ( صوت الاذان الله اكبر الله اكبر )
كامل : هو جابر اتاخر ليه لحد دلوقتى
عبير : زمانه جاى يابا
( يدق الباب )
هدى : ده اكيد جابر
( تقوم هدى وتفتح الباب يدخل جابر ويقبل يد ابيه وامه )
جيكا : اسف على التاخير
( يمسك جيكا كوب الخشاف ) اللهم بك صمت …. الخ
العائلة : اللهم بك صمت …. الخ
( يبدؤون فى تناول الطعام ينتهى
الاذان ويبدء تتر مسلسل خطوط حمراء )
جيكا : يا دوب اكل لقمتين علشان الحق انزل
كامل : انت لحقت يا جابر انت لسه داخل
جابر : انهارده الوقفة يا حاج وكل سنة وانت طيب
كامل : وانت بالصحة والسلامة يا ابنى
جابر : دايما عامر يا جماعة كل سنة وانتو طيبين هنزل علشان اصحابى مستنين
كامل : هترجع الساعة كام
جيكا : مش هتاخر يابا وبعدين ابنك راجل يا حاج
كامل : ايه اللى مشلفطك كده ملاكمة تانى مش كده
جيكا : اهو بخبط يابا مش يمكن ابقى حاجة
كامل : لو اشتغلت بشاهدتك كنت هتبقى حاجة غير كده صايع وملكش لازمة حاجة تسد النفس ( يقوم كامل من على السفرة غاضبا ويدخل غرفته )
جيكا : هو مش ناوى يصفى من ناحيتى ياما
فاطمة : هو يابنى يتمنى يشوفك من احسن الناس
هدى : هو عايزك تنزل مكتب محامى
جيكا : مكتب محامى واتمرمط واتحصلى على متين جنيه اخر الشهر اللى بجيبهم فى يومين
سيد : انا مش عارف هو بيعمل معاه كده ليه هو عايزه يبقى موظف زيه
جيكا : اتعدل ياه انت بتتكلم على ابوك
سيد : ده مداناش عيدية يا جيكا بيقول كفاية عليكو مصاريف الشهر ظروف البلد تعبانة
جيكا : لو على العيدية انا هديهالكو
سيد : بس بحبح ايدك شوية فسح وخروجات وكمان عايز اخش السيما فيلم عبده موته ده جامد جاز
جيكا : جامد ايه
سيد : جامد جاز
جيكا : مش يا عم البنزين
عبير : شكله فيلم حلو جدا انا بحب الافلام قوى والممثليين والسينما
جيكا : اه ومبتفتحيش كتاب ونشوف كحك العيد فى الشهادات
هدى : لا بجد يا جيكا الفيلم ده جامد جدا كل صحباتى هيدخلوه
جيكا : جيكا خلاص بكره هاخدكو كلكو وندخلو ان شاء الله
مشهد 6 ليل \ خارجى الحارة امام منزل جيكا
ينزل جيكا الدرج ويخطى عتبة البيت يجد امامه سارة حاملة على راسها ساج الكحك
سارة : انت نازل ولا ايه
جيكا : سيبك من كل ده راحة فين بالساج ده
سارة : راحة الفرن اسوى الكحك كل سنة وانت طيب
جيكا : هاتى عنك
سارة : لا مش عايزة اتعبك وكمان علشان متتاخرش على اصحابك
جيكا : يتحرقو بجاز هو انا عندى اهم منك ( ياخذ جيكا الساج من سارة )
سارة : انا مش عارفة اقولك ايه
جيكا : متقوليش حاجة غير كلمة من اربع حروف
سارة : مش هقولها انت عارفها وحاسسها وبعدين احنا فى الحارة
جيكا : مش همشى الا لما اسمعها ده ان حضر النمر ينكشف السر
مشهد 7 نهار \ خارجى مسجد الحسين
جيكا ووالده كامل واخيه سيد فى مسجد الحسين يؤدون اشعارات صلاة العيد
: لبيك اللهم لبيك … لبيك لا شريك لك لبيك … ان الحمد والنعمة لك والملك لا شريك لك
مشهد 8 نهار \ داخلى سطوح منزل جيكا
جيكا يتمرن على كيس الرمل المعلق وبجواره زين
جيكا : مالك يا زين متنطق يالا واقف بقالك ساعة قدامى مبلم زى التلميذ اللى مش عارف يكتب اسمه
زين : فيه موضوع انا كنت مئجله بس لازم تعرفه يا جابر
جيكا : مدام قولت يا جابر يبقى مهم بجد ها ايه هو الموضوع
زين : انا عايز اتجوز اختك هدى
جيكا : ايه
زين : لو انت شايف انى مش قد مقامها خلاص اعتبرنى منطقتش حرف
جيكا : لا انت اخويا يابنى انت بتقول ايه انا عن نفسى مش هلاقى احسن منك لاختى
بس القول التمام لابويا ولاختى
زين : اصيل يا صاحبى اصيل يا نمر
جيكا : بس متجبش سيرة انك بتدى دورس خصوصية قله مدرس بس
زين : ولا عمرى اديت دروس خصوصية
جيكا : ماتش انهارده مع مين
زين : مش هتصدق
جيكا : اخلص ياه
زين : مع واحد نضيف قوى من كبرات البلد اسمه احمد سليم بركات
جيكا : سليم بركات انا سمعت الاسم ده قبل كده وده هلاعبه فين ده فى بورتو مارينا
زين : فى نادى الجزيرة
جيكا : انت وصلت للناس النضيفة دى ازاى يالا يا زين
زين : انا موصلتش هما اللى وصلوللى فاكر اخر ماتش ليك اللى سكيت فيه ربيع
جيكا : اه فاكر
زين : كان فيه موزة بتصورك بكاميرا الفيديو جابت نمرتى منين معرفش واتصلت بيا
مشهد 9 نهار \ داخلى غرفة نوم زين – شقة زين
زين نائما على فراشه يرن الموبايل ياخذه من على الكمودينو المجاور ويرد
زين : الو ايوة انا مدير اعمال جيكا اه مدير اعماله نتقابل ماشى ماشى خلاص يبقى بكره الساعة 7 فى سيتى ستارز مع السلامة
مشهد 10 ليل \ خارجى كفاية سيبنيس سيتى ستارز
زين وريم على طرابيزة وبجوارهم الجراسون
الجارسون : تشربى ايه يا هانم
ريم : نسكافيه بلاك
الجارسون : وحضرتك يا فندم
زين : حلبة باللبن
مشهد 11 نهار \ داخلى سطوح منزل جيكا
جيكا يتمرن على كيس الرمل المعلق وبجواره زين
زين : وقالتى ان الماتش ده هيكون اختبار المدرب هناك هيشوف اسلوبك ولو كسبت وعجبته هتتنقل نقلة تانية يا نمر
جيكا : وماله نجرب
مشهد 12 نهار \ داخلى مكتب النقيب يوسف الامن الوطنى
يدخل الشاويش رجب ومعه المتهم zoom على توليع سيجارة يوسف باشا بالولاعة الذهبية
الشاويش : المتهم سعادتك
يوسف : محمد السيد خلاف 26 سنة عاطل متزوج لديه طفلة اسمها ملك عمرها اربع سنوات بسم الله ما شاء الله
ربنا يخليهالك سيماهم على وجوههم اول اما شوفتك عاطل وصايع ومجرم ومتطرف وابن ستين كلب
عايز تولع البلد يا روح امك
المتهم : والله ما عملت حاجة يا باشا
يوسف : بقولك ايه يا روح امك بلاش الحلفان وشغل السيما الترسو هتحلفلى وتقولى معملتش حاجة يا باشا اقسم
ادفنك هنا مكان اعلقك فوق من شريانك واخلى دمك نسقى بيه الزرع سيبك من تغير جهاز امن الدولة
والكلام ده انا عايش بعقلية امن الدولة وهفضل شغال بطريقة امن الدولة
المتهم : يا باشا والله
يوسف : انا مش قولتلك متحلفش اكتر حاجة بتخرج عصبيتى هى الحلفانات بتاعتكم يبقى الواحد منكو خاين وابن
ستين كلب ويعملى برىء انت حطيت القنبلة عند المترو وهتعترف بتفاصيل العملية والا والله هعذبك
هعذبك عذاب الكفار انا اقدر اجيب مراتك هنا ويتعمل عليها حفلة من كل اللى شغالين فى الجهاز ودول
مبيشوفوش النسوان بالشهور قولى عملت ايه ومين طلب منك تعمل كده
مشهد 13 ليل \ خارجى امام منزل جيكا
يخرج جيكا يجد نعمة امامه
جيكا : نعمة ايه اللى جابك الحارة تانى
نانا : بقى اسمى نانا يا جيكا انا فنانة استعرضية كبيرة دلوقتى وساكنة فى الزمالك
جيكا : طب جيتى ليه الحسين وسيبتى الزمالك
نانا : مش ليا حبايب هنا وعشرة عمر وبعدين انت مبتسئلش قولت اسئل انا مش كنا جيران
جيكا : اه كنا جيران
نانا : مبتجيش الكباريه ليه تتفرج عليا وانا برقص
جيكا : منتى عارفة انا مبرحش كباريهات الكباريهات هى اللى بتجيلى ولو عوزت رقصة دليفرى اجى الزمالك وخلاص
نانا : تنور يا نمر خود ده الكارت بتاعى فيه التليفون والعنوان ( تخرج نانا الكارت من حقيبتتها وتعطيه لجيكا )
جيكا : كمان كارت الله يرحم امك بتاعت الجاز
مشهد 14 نهار \ داخلى غرفة التعذيب جهاز االامن الوطنى
شخص مربط وعيناه مغماة ودماؤه تسيل على ملابسه وامامه جالس النقيب يوسف والرائد عصام
الرائد عصام : مينفعش كده سيدتك احنا معندناش تعليمات اننا نعذب حد ولا نستخدم الوسائل القديمة دى تانى
النقيب يوسف : انت هتعلمنى شغلى ولا ايه يا سياد الرائد سيادتك ممكن تروح لوزير الداخلية تقوله النقيب يوسف عز الدين بيعذب الارهابين اللى عايزيين يولعو فى البلد علشان يعترفو وتتحقق العدالة وهو يشوف ايه الجزاء المناسب ويطبقه عليا
الرائد عصام : مفيش فايدة
مشهد 15 نهار \ خارجى نادى الجزيرة حلبة الملاكمة
زين وريم فى اول صف يشاهدون جيكا يلاكم خصم فى حلبة الملاكمة ويظهر عليه اثار الضرب والاجهاد لكمات متبادلة ثم جيكا يسيطر لكمة اخيرة من جيكا يسقط الخصم
زين : جيكا جيكا الله عليك يا نمر
مشهد 16 نهار \ داخلى كافيتريا النادى
جيكا وزين وريم على طرابيزة فى كافيتريا النادى
ريم : انت عندك استيل هايل فى الملاكمة ان شاء الله بالتدريب هتحقق ترجت تحفة
جيكا : بس لا مؤخذة انا برده لسه مش فاهم الشغل هيكون ازاى يعنى النادى بيدور على مواهب جديدة فى الملاكمة ولا ايه
ريم : مش النادى انا بعمل الدكتوراة على تنمية المواهب الجديدة فى الملاكمة وانت هتبقى الحالة بتاعتى وانا هصرف عليك لحد ما تبقى بطل انت هتستفاد بنجاحك وانا هخلص رسالة الدكتوراة
جيكا : تصرفى عليا وحالة انا اسف مش انا اللى بتدورى عليه عمرى ما هقبل اكون حالة ولا ان ست تصرف عليا وبلاها الملاكمة من اساسه من غير سلام
مشهد 17 نهار \ داخلى غرفة هدى وعبير
هدى نائمة وعبير جالسة امام الكمبيوتر عالشات فى الفيس بوك مع شريف مخرج سينمائى تكتب وتقرء ما تكتبه بصوت طفيف
عبير : كويس ان الصورة عجبت حضرتك
المخرج : اه هايلة انتى مثلتى قبل كده
عبير : لا بس نفسى امثل قوى
المخرج : طب تجيلى الساعة 12 بالليل فى مقر الشركة فى حدائق الاهرام
عبير : صعب قوى اخرج بالليل كده
المخرج : انتى حرة كان دور هايل فى الفيلم وهتبقى نجمة لو جيتى
عبير : خلاص هاجى هات العنوان
مشهد 18 نهار \ خارجى قهوة فى الحارة
زين : ليه كده يا جيكا كسرت بخاطر البت
جيكا : دى عاملة تعملها فيا يا زين
زين : كنت تستفهم منها شوية كمان يا جيكا مش يمكن تكون فهمت غلط
جيكا : يا صاحبى الجواب بيبان من عنوانه ولو غلط يبقى النمر مش مكانه
زين : خلاص انا هوديك عند واحد عنده مصلحة تانية وحقك عليا يا نمر
مشهد 19 ليل \ داخلى صالة شقة جيكا
عبير تتسحب وتخرج الى الصالة وتفتح باب الشقة وتخرج
مشهد 20 ليل \ داخلى خرابة
زين وجيكا جالسين بجواره المعلم الذى يشرب شيشة حشيش
زين : اضرب يا نمر اضرب
جيكا : يا ابنى انا مليش فى الحشيش
زين : يعنى انا اللى ليا علشان بس المعلم ميزعلش ده هنا مركز شباب الحشيش
جيكا : ميرضنيش زعل المعلم ( ياخذ جيكا اللاى من زين ويشرب )
المعلم : ايوة اضرب علشان تبقى تمام قولتلى بقى يا نمر ان ضربتك ناشفة وايدك جامدة
زين : ده جيكا النمر يا معلم
المعلم : يبقى شغلانتك عندى يا نمر
مشهد 21 ليل \ خارجى السيارة فى شوارع اكتوبر
ريم فى سياراتها يرن الموبيل تاخذه من على التابلوه وترد
ريم : الو تانى انت عايز ايه يا شريف كفاية قوى لحد كده مش لازم تعمل زى العيال وتكلمنى من خط تانى علشان ارد لازم تفهم ان كل حاجة انتهت واستحالة نرجع لبعض والخطوبة اتفسخت من مدة انا عارفة انى مش هماك اللى همك المصنع بتاع دادى يريت تنسانى وتبعد عن طريقى لو عندك شوية دم
مشهد 22 ليل \ داخلى خرابة
زين وجيكا جالسين بجواره المعلم الذى يشرب شيشة حشيش
المعلم : حيث كده تعالى استلم الشغل من دلوقتى
جيكا : يا معلم انت مش شايف قدامك
المعلم : لا انا كويس تعالى وبعدين انت اللى هتسوق
جيكا :انا عادى مفيش مشاكل بس انت واعى ولا لا مؤخذة اتسطلت
المعلم : انا حلو متجيب حتة بسبوسة من الصينية
زين : ده مخييش يا نمر
مشهد 23 ليل \ داخلى تراس شقة شريف
شريف فى تراس شقته
شريف : وحياة امى لاربيكى يا ريم ومبقاش انا لو ما كان انهارده اخر يوم فى عمرك
( يتصل شريف بغريب من موبيله ) الو …. غريب انت جاهز تمام الرجالة جاهزة وراها تمام مستنين حتة خلا
اوك وحلاوة الرجالة جاهزة
مشهد 24 ليل \ خارجى سيارةنقل فى شوارع اكتوبر
جيكا يسوق السيارة وبجواره يجلس المعلم
جيكا : بس العربية مدشملة قوى يا معلم
المعلم : لا هى حلوة انا واخدها قصاد حتة فى ششين العدس
جيكا : ودى فين دى يا معلم
المعلم : مش فاكر
جيكا : عالبركة
المعلم : السواق اللى قبلك اتقلب بيها مرتين
جيكا : امال هو فين دلوقتى يا معلم
المعلم : ارتاح اخر راحة ربنا افتكره عقبالك زيه قول امين
جيكا : اللهى داهية تاخدك يا معلم قول امين
المعلم : امين يارب
مشهد 25 ليل \ خارجى سيارة ريم شوارع اكتوبر
رجال يحملون عصا خشبية يقفون امام سيارة ريم ويفتحون باب السيارة ويخرجونها
مشهد 26 ليل \ خارجى سيارة نقل شوارع اكتوبر
جيكا يسير بالسيارة يشاهد الرجال يخرجون ريم من سياراتها يقف بسيارته ويخرج يضرب احد الرجال وياخذ منه العصا ويضرب باقى الرجال حتى يقعون ارضا
ريم : ميرسى جدا انا مش عارفة اقولك ايه صدفة سعيدة يا جابر انى شوفتك تانى
جيكا : حمد لله عالسلامة انا اسف على اسلوب كلامى معاكى المرة اللى فاتت
ريم : انا اللى اسفة ومتشكرة جدا
جيكا : بقولك ايه انا هوصلك لحد البيت علشان اطمن عليكى
ريم : طب والعربية والراجل اللى معاك
جيكا : يولعو هما الاتنين
مشهد 27 ليل \ داخلى ريسبشن شقة المخرج هشام
عبير ترن الجرس يفتح المخرج هشام تدخل عبير ويغلق الباب بالمفتاح خفيا
عبير : العنوان كان بعيد قوى عليا يا استاذ هشام
المخرج : ادخلى يا نجمة
عبير : نجمة مرة واحدة
المخرج : بمجرد دخولك هنا بقيتى نجمة وستين نجمة
عبير : بعدين هتغر يا استاذ
المخرج : اتغرى براحتك يا نجمة
عبير : امال فين بقية الناس الشركة مفيهاش موظفين
المخرج : موظفين ايه
عبير : الناس اللى بتشتغل هنا فى الشركة
المخرج : شركة ايه دى شقتى الخاصة هتطلعى معايا السرير هطلعك سلالام المجد
عبير : عبير لا انا لازم امشى
المخرج : هو دخول الحمام زى خروجه يا نجمة
مشهد 28 ليل \ داخلى حديقة فيلا ريم
ريم وجيكا جالسان فى الحديقة وامامهم فنجانى قهوة
جيكا : انا كل حلمى فى الحياة انى اشوف اهلى مستوريين وعايشين كويس وافرح بهدى وعبير وسيد واريح ابويا من الشقا
ريم : طب وانت فين من الاحلام دى انت فين يا جابر
جيكا : انا موجودة يا استاذة بس هلاقى نفسى لما احقق احلام الناس دى
ريم : ما كنت هساعدك تحقق احلامك واحلام اللى حواليك
جيكا : مش وقته يا بنت الناس بعدين نفكر تانى وندور الكلام فى الدماغ
مشهد 29 ليل \ داخلى غرفة نوم المخرج هشام
عبير ورا الباب وهشام يحاول كسر الباب عبير تتصل من موبيلها
عبير : رد يا جابر يارب خليك معايا يارب
مشهد 30 ليل \ داخلى حديقة فيلا ريم
جيكا : عبير اختى بتتصل فيه ايه خير
الو فيه ايه يا عبير انتو كويسين فيه حاجة حصلت
مشهد 31 ليل \ داخلى غرفة نوم المخرج
عبير ورا الباب وهشام يحاول كسر الباب عبير تتحدث فى موبيلها وهى تبكى
عبير : الحقنى يا جيكا لو مجتش دلوقتى اختك هتضيع هتموت يا جابر
مشهد 32 ليل \ داخلى حديقة فيلا ريم
جيكا : انتى فين يا عبير حدائق الاهرام البوابة الرابعة ايوة عارف الشارع شقة 3 متقلقيش انا جنبك فى اكتوبر عشر دقايق وهكون عندك خلى بالك من نفسك يا عبير عبال ما اجى انتى بنت راجل واخت راجل سلام
ريم : فيه ايه يا جابر
جيكا : مش وقته انا لازم امشى حالا
ريم : اكيد هوصلك العربية بره
جيكا : ماشى
مشهد 33 ليل \ خارجى امام مقر السفارة الامريكية
السفير الامريكى يخرج من مبنى السفارة وسط الحراسة ليركب سيارته يقتل برصاصة فى الراس
مشهد 34 ليل \ داخلى شقة المخرج هشام
يكسر جيكا الباب ويدخل هو وريم ويضرب المخرج ضربا مبرحا ويدخل وياخذ عبير ياخذ المخرج مسدسه من درج الكمودينو ويطلق رصاصة تاتى فى قدم جيكا يتشابك جيكا مع المخرج هشام ويحاول اخذ المسدس منه تخرج طلقة منه فى ظهر هشام تقتله
مشهد 35 ليل \ خارجى امام مقر السفارة الامريكية
حسام يتحدث فى الجهاز اللاسلكى وحوله سيارات شرطة والجنود والامن المركزى فى كل مكان
حسام : انا كنت جنب مقر الحادث بالصدفة يا فندم وطبعا القاتل هرب بس انا طلبت دعم وجالى يا فندم هندور فى كل مكان سيدتك وعايزين تعزيزات اكتر علشان ميخرجش بره المحافظة سيدتك
مشهد 36 نهار \ خارجى امام بيت جيكا
السيارة تقف امام بيت جيكا تنزل عبير
جيكا : متجبيش سيرة لحد باى حاجة
عبير : حاضر
مشهد 37 نهار \ خارجى حسام يقف بجوار اللواء عزمى واللواء فريد
عزمى : ده سيادة اللواء فريد ابو النور مساعد وزير الداخلية يا حسام
حسام : تشرفنا يا فندم
فريد : احنا معتمدين عليك يا حسام وهتعاون معكم ظابط من اكفء ظباط الامن الوطنى واى حاجة تطلبها اللواء عزمى هيساعدك فيه
حسام : متشكر جدا يا فندم وربنا يوفقنى واكون قد المسئولية واكون عند حسن ظن معاليك
مشهد 38 نهار \ خارجى سيارة ريم
ريم : انت نزفت كتير
جيكا : مش مهم
ريم : بس لازم اجيبلك دكتور
جيكا : وهنقوله ايه
ريم : اى حاجة كنت بتحمينى من البلطجية واحد فيهم ضرب عليك نار
جيكا : ماشى اللى تشوفيه انا اسف دخلتك فى متاهات وانتى ملكيش اى ذنب فى اى حاجة
ريم ك متقولش كده تانى علشان مزعلش منك انت انهارده انقذت حياتى وانا مديونالك بكتير
جيكا : انا معملتش غير الواجب واى حد مكانى كان هيعمل اى حاجة عملتها
ريم : ملوش لازوم اى كلام دلوقتى اهدى علشان الجرح اللى فى رجلك
مشهد 39 ليل خارجى قهوة فى حى الحسين
المواطنين جالسين على القهوة يشاهدون التليفزيون ياتى النشرة نبا عاجل
المذيعة : عاجل مقتل السفير الامريكى امام مقر السفارة الامريكية بالقاهرة وحملة مكثفة من وزارة الداخلية للقبض على الجناة وسوف نوافيكم بباقى الاخبار بعد قليل
مشهد 40 ليل \ داخلى غرفة نوم فى فيلا ريم
جابر مستلقيا على السرير تدخل ريم ومعها دكتور شاكر عبد اللطيف
ريم : جارنا دكتور شاكر عبد اللطيف وده جابر انقذنى انهارده من بلطجية على الطريق كانو هيقتلونى
شاكر : حمد لله على سلامتك يا بنتى وبلغتو البوليس
ريم : ملوش لازوم يا دكتور شاكر دلوقتى بعدين علشان جابر تعبان
شاكر : على راحتكم هتبقى كويس حالا يا بطل ( يفتح الدكتور شنطته ويخرج ادواته )
مشهد 41 ليل \ داخلى مكتب النقيب يوسف الامن الوطنى
يوسف : فى مكتبه فى جهاز الامن الوطنى يشاهد اعادة البيان
يوسف : اه شوفته معاليك القضية بقت بتاعتى متشكر جدا على ثقة معاليك الغالية الظابط اللى حقق اسمه حسام هشوف وصل لايه وهتعاون معاه متشكر لاتصال معاليك
مشهد 42 ليل \ داخلى غرفة نوم فى فيلا ريم
ريم جالسة على كرسى بجوار جابر
ريم : نويت على ايه
جيكا : مش عارف بس انا عارف مين ممكن يساعدنى ويقف معايا حسام باشا
ريم : مين حسام ده
جيكا : ده كان زميلى فى الكلية وبقى ظابط دلوقتى اكيد هيدلنى عالصح
ريم : انت متاكد انه هيساعدك لو عايز انا ممكن اكلمك دادى يعرف رتب كبيرة فى الداخلية وهيعرفنا الصح ايه
جيكا : انا مش عايز الموضوع يوسع حسام ده اخويا وهيلم الموضوع
مشهد 43 نهار \ داخلى مكتب حسام
حسام : نورت القسم يا جيكا
جيكا : ده نورك يا حسام باشا
حسام : ومين الاستاذة مش تعرفنا
جيكا : دى دكتورة ريم بتعمل الرسالة الدكتورة عن تنمية المواهب الجديدة فى الملاكمة
حسام : ماشى يا نمر
جيكا : انا قصدك فى خدمة يا حسام باشا وعايزك تدلنى اعمل ايه
مشهد 44 نهار \ داخلى غرفة نوم جابر
تدخل فاطمة الغرفة تجدها فارغة يدخ ورائها هدى وعبير
فاطمة : جابر انت مبتش فى البيت يا ابنى يا ترى انت فين يا ابنى
هدى : ازاى ده عمره ما عملها
فاطمة : محدش فيكو يعرف راح فين يا بنات
عبير : لا منعرفش بس هو بخير ان شاء الله
فاطمة : جيب العواقب سليمة يا رب
مشهد 45 نهار \ داخلى مكتب الظابط حسام
جابر و ريم امام الظابط حسام فى مكتبه
حسام : متقلقش خالص يا جابر اعتبر الموضوع منتهى انت مش اديتنى السلاح واعترفت خلاص انا هحل كل حاجة هما كلمتين وهتروح علطول
جيكا : متشكر قوى يا حسام باشا مش قولتلك يا دكتورة حسام باشا اخويا
حسام : ( يشير للشاويش الجالس بجانبه ) اكتب يا ابنى انه فى يوم الاتنين الموافق تمكنت قوة شرطة قسم السيدة زينب بقيادة الظابط حسام القبض على المتهم جابر كامل عبد الحق المتهم بقتل السفير الامريكى متلبسا بسلاح الجريمة وقد اعترف المتهم بقيامه بهذا العمل الارهابى فى ساعته وتاريخه
( ملامح الدهشة والحزن لا تفارق وجه جيكا )
مشهد 46 نهار \ داخلى صالة شقة جيكا
سيد جالس امام التليفزيون يشاهد فيلم اجنبى وامه تاتى من الداخل وتخرج لتقف بجواره
فاطمة : ليك نفس تتفرج عالتليفزيون ومش عارفين اخوك جراله ايه
سيد : ياما ساعة ولا اتنين وهيبجى ما انتى عارفة تلقيه فى اى مصلحة
( يقطع الفيلم الاجنبى وياتى بيان اخبارى )
المذيعة : عاجل تم القاء القبض على المتهم الاول فى قضية قتل السفير الامريكى صباح اليوم من قبل قوات الشرطة وقد اتضح انه شاب مصرى عاطل اسمه جابر كامل عبد الحق وشهرته جيكا
( تسقط الام مغمى عليها )
مشهد 47 نهار \ داخلى زنزانة مظلمة
جيكا جالس على الارض وفى اذنيه حديث دار بينه وبين امه
فاطمة : انا خايفة عليك يا جابر
جابر : متقلقيش ياما ربك مبيجيش عالغلبان وانا ياما شوفت فى الدنيا من كتر التخبيط
مشهد 48 نهار \ داخلى جريدة خبر مصرى
رئيس التحرير على مكتبه تدخل سلمى
سلمى : حضرتك طلبتنى يا ريس
رئيس التحرير : فين تغطية قضية قتل السفير الامريكى الدنيا مقلوبة فين اقوال الواد اللى اسمه جيكا
سلمى : روحت يا ريس ومعرفتش ادخل
رئيس التحرير : روحى تانى ولازم تجيبى اى معلومات دى قضية الموسم
سلمى : حاضر يا ريس
رئيس التحرير : احنا متعودين يكون لينا السبق ولا ايه يا سلمى
سلمى : هيحصل يا ريس
مشهد 49 نهار \ داخلى زنزانة
يفتح الشاويش الباب ويدخل الزنزانة
الشاويش : جابر كامل عبد الحق جيكا
جابر : ايوة يا شاويش
الشاويش : حضرة الظابط عايزك
مشهد 50 نهار \ داخلى مكتب الظابط حسام
يدخل الشاويش وجيكا يخرج الشاويش ويغلق الباب
حسام : اهلا بجيكا الشق وصاحب عمرى
جيكا : بقت بايخة قوى الكلمة دى
حسام : المصلحة غلبت الصداقة وانا لقيت مصلحتى انى العب اللعبة دى
جيكا : انا لحد دلوفتى مش فاهم ازاى ده حصل
حسام : هقولك بعدين كل حاجة جت ازاى
جيكا : ان شاء الله هخرج منها يا باشا
حسام : ادينى عقلك انت معايا مسدس نفس العيار اللى اتقتل بيه السفير واتضرب منه رصاصة فى نفس الساعة اللى اتقتل فيها السفير والطب الشرعى هيثبت ده يبقى هتخرج منها ازاى اختارلك قضية تتعدم بيها ياما قتل السفير ياما قتل عشيق اختك
جيكا : متجيبش سيرة اختى على لسانك يا وسخ
حسام : يا شويش رجع الواد ده الزنزانة
مشهد 51 نهار \ داخلى امام مكتب الظابط حسام
يشير العسكرى للصحفية سلمى على مكتب الظابط حسام يدخل معها الشاويش
سلمى : انا سلمى صحفية من جريدة خبر مصرى انا جيت قبل كده بس معرفتش ادخل عايزة اعمل مع حضرتك حوار بخصوص المتهم جيكا ويريت اعمل حوار معاه
حسام : لاسف مش هقدر اساعدك نشر اى معلومات تتعلق بالمتهم وتفاصيل القضية قبل عرضه عالنيابة غير قانونى
مشهد 52 نهار \ داخلى غرفة فاطمة فى المستشفى
تستيقظ فاطمة تجد انها على سرير فى مستشفى وحولها كامل وسيد وهدى وعبير
فاطمة : انا فين
هدى : حمد لله عالسلامة يا ماما
عبير : انتى فى المستشفى يا ماما
فاطمة : فين جابر هاتولى جابر
سيد : مش وقته دلوقتى ياما جابر برىء وربنا بكره يظهر برائته
كامل : ان شاء الله يرجعلنا بخير باذن الله
مشهد 53 نهار \ داخلى مكتب الظابط حسام
يدخل يوسف و يصافح حسام
يوسف : النقيب يوسف عز الدين الامن الوطنى
حسام : تشرفنا سيدتك اتفضل اقعد على المكتب
يوسف : مش ضرورى انا بس عايز اطلع على كل تفاصيل القضية
حسام : حالا معاليك بس تحب تشرب ايه الاول
مشهد 54 نهار \ داخلى غرفة هشام المخرج
هند جالسة على كرسى بجوار سرير هشام فى غرفته بالمستشفى
هند : حمد لله عالسلامة
هشام : الله يسلمك
هند : خير ايه اللى حصلك ده
المخرج : مفيش كنت بنضف المسدس فخرجت منه رصاصة
هند : مع انى مش مصدقة بس مش مهم المهم انك قمت بالسلامة
مشهد 55 نهار \ داخلى مكتب الظابط حسام
جيكا امام النقيب يوسف و الظابط حسام
يوسف : اهلا بالمجاهد الكبير البطل الهمام عقبال ما يشرف هنا الامير بتاعك وياخد واجبه هو كمان
جيكا : والله العظيم برى ولا قتلت الراجل ده ولا حتى اعرف شكله ايه
يوسف : بص يالا انا اكتر حاجة بتضايقنى الحلفانات والانكار فروق كده علشان لو غضبى طلع عليك هوريك نار جهنم على الارض اسم امك ايه يالا
جيكا : نعم يا باشا
يوسف : انا سئلت
جيكا : فاطمة يا باشا
يوسف : طب بص يا ابن بطة احسنلك واسلملك تنفذ كل المطلوب منك وتجاوب على كل سؤال بالاجابة اللى تريحنى انا ظابط امن دولة بالفكر القديم مش بفكر الامن الوطنى انا ممكن اعمل فيك وفى عيلتك وفى بطة ابعد ما خيالك ممكن يصورلك فاتقى شر غضبى وصل
جيكا : وصل يا باشا لا مؤخذة يا باشا انا عايز ( يشير جيكا بانه يريد ان يستقىء )
حسام : اتنيل روح عند الشباك ( يتجه جيكا نحو الشباك ويقفز منه )
يوسف وحياة امى مهسيبك يابن الكلب
مشهد 56 نهار \ خارجى كورنيش النيل
مطاردة جيكا نائم على سطح سيارة نقل عندما يقترب من كورنيش النيل يقفز منها الى الكورنيش ثم يقفز من كورنيش النيل وسيارة الشرطة تطارده
مشهد 57 نهار \ داخلى ريسبشن شقة نانا
يدق الباب تفتح نانا يدخل جيكا ويغلق الباب
نانا : جيكا انت هربت
جيكا : اخلع
نانا : عيب عليك يا جيكا متقولش كده احنا اهل يا جيكا
جيكا : انا اسف على الازعاج ولو وجودى هسيببلك مشاكل همشى علطول
نانا : والنعمة ازعل ده بيتك انت اقعد ريح عبال ما احضر الغدا تلقيك على لحم بطنك
(يجلس جيكا على كرسى الانتريه الدش شغال على فيلم اجنبى يقطع وتاتى اهم الانباء المذيعة وزيرة الخارجية هيلارى كلينتون تعلن استيائها من هروب جيكا المتهم الاول فى قضية قتل السفير الامريكى هكذا وقدد شددت وزارة الداخلية الدوريات للقبض على المتهم)
جيكا : استرها معايا يا رب
مشهد 58 نهار \ داخلى صالة شقة جيكا
سيد يفتح الباب تدخل فاطمة وكامل وعبير وهدى وسارة وسيد
هدى : ادخلى ياما حمدلله عالسلامة
سارة : حمدلله عالسلامة يا ماما
عبير : البيت كان مضلم من غيرك ياما
كامل :براحة يا ولاد على امكو
فاطمة : ربنا يظهر الحق وترجع بالسلامة يا جابر يا ابنى يارب
مشهد 59 نهار \ داخلى غرفة هشام المخرج بالمستشفى
هند تحدث الدكتور فى ركن من اركان الغرفة
هند : خير يا دكتور
الدكتور : للاسف يؤسفنى انى ابلغك الحقيقة مهما كانت مؤلمة
هند : خير يا دكتور
الدكتور : للاسف الرصاصة اصابت العمود الفقرى مما ادى الى حدوث شلل فى الاطراف ومش هيقدر يمشى تانى
هند : ( تصرخ ) هشام
مشهد 60 نهار \ داخلى سفرة شقة نانا
جيكا ونانا يتناولون وجبة الغداء جيكا ياكل ارز نانا تقطع له قطعة من الدجاجة وتضعها امامه فى طبقه
جيكا : انا مش هنسالك وقفتك معايا انتى بت جدعة يا نعمة
نانا : مقولنا نانا يا جدع ( يضحكان )
جيكا : خير اللهم اجعله خير ضحكتينى وانا مليش نفس اضحك
نانا : اضحك ومتشلش الهم و متحملش هم للدنيا احنا اخوات بس مش اخوات قوى يعنى عشان بحبك بردك
بكره ربك يظهر الحق ربك مع الغلابة يا جيكا
جيكا : انا عايز منك خدمة يا نانا
نانا : اومرنى يا جيكا
جيكا : انا عايز اشوف اهلى وسارة كمان
نانا : عينيا اهلك والجو كل من عنيا خطط ودبر وانا جاهزة
مشهد 61 نهار \ داخلى مكتب النقيب يوسف عز الدين الامن الوطنى
الرائد عصام امام النقيب يوسف فى مكتبه
يوسف : مش حتة واد زى ده هيقلب علينا الراى العام والكل يقعد يتكلم على الداخلية
عصام : انت شايف ايه الاجراء اللى المفروض نتخذه سيدتك
يوسف : بيت الواد ده دوريات مراقبة 24 مين طالع ومين نازل واهله رايحين فين وجايين منين
اكيد هيحاول يحوم حواليهم علشان يعرفهم اخباره ويطمنهم عليه
مشهد 62 نهار \ داخلى ريسبشن شقة نانا
جيكا جالس على الاريكة ويبدو عليه الحزن ونانا تاتى وتجلس بجواره
نانا : متفك بقى يا عمنا محدش واخد منها حاجة وانا قولتلك ربك كريم
جيكا : ونعمة بالله عايزين يعنى افك ازاى يا نانا ارقص
نانا : لا انا اللى هرقص ( نانا تفتح الكاسيت وترقص على مقطوعة من شاك شاك شوك ثم اغنية سوق الجمال)
جيكا : انتى بت مجنونة
مشهد 63 نهار \ داخلى صالة شقة جيكا
يدق الباب تفتح هدى ثم تاتى عبير وفاطمة
( صوت فاطمة من بعيد – شوفى من عالباب يا هدى )
هدى : حاضر دى نانا يا ماما
فاطمة : نانا عايزة ايه مننا دى
نانا : جيكا بيسلم عليكى يا ابلة بطة
فاطمة : جيكا انتى شوفتيه
نانا : اه هو مستخبى عندى وهو عايز يشوفكو ومستنيكو عند شريط القطر فى العنوان ده ( تخرج نانا ورقة من حقيبتها وتعطيها لفاطمة ) بعد ساعة
هدى : طب هو عامل ايه دلوقتى
نانا : هو كويس هو قلى ابلغكو وابلغ سارة افتكو بالعافية
فاطمة : عينى عليك يا ابنى علطول دايخ وتعبان
مشهد 64 نهار \ خارجى امام شريط القطر
يستقبل جيكا امه بالاحضان والبكاء ثم يقبل راس اخته هدى وعبير ويحضن سيد
فاطمة : جيكا اذيك يا حبيبى واحشنى يا ابنى
جيكا : واحشانى يا امى امال فين ابويا
فاطمة : تعبان شوية يا ضنايا انت وحشته قوى وكان نفسه يشوفك
جيكا : سلامته ياما والله برىء ياما ومقتلتش السفير ده ولا شوفته
فاطمة : عارفة يا جابر ومتاكدة انك متعملش كده ان شاء الله ربنا يظهر الحق
جيكا :اذيك يا عبير خدى بالك من نفسك
عبير : اذيك انت يا جيكا يا ادع وارجل اخ فى الدنيا مبترحش عن بالى لحظة وبدعيلك ربنا يفرجها عليك
هدى : وانا يا جابر والله عبير قالت كل الكلام اللى كنت عايزة اقوله
جيكا : معرفتش ان اللحظة معاكو تساوى كتير الا لما انكتبلى ابعد عنكم
هدى : انت مش مستنى حد تانى
جيكا : حد مين
هدى : اظهر وبان عليك الامان ( تاتى سارة من بعيد بعد اشارة هدى جيكا يحضن سارة )
جيكا : سارة وحشتينى قوى
سارة : جيكا روحت وخدت قلبى معاك وقلبى مش هيرجع غير برجوعك
جيكا : مش بايدى يا بنت الناس انا طلبت اشوفك علشان اقولك شوفى حالك يا بنت الناس مقدرش اظلمك معايا
سارة : منا قولتلك يا جابر قلبى مش بايدى وانت خدته منى وانا مش هقدر اعيش من غير قلبى
جيكا : مش عايز ارهنك جنبى يا بنت الناس لابسنى بالملى مفيش حل بس ثقتى فى الله
عبير : انا هساعدك يا جابر وهقول على الحقيقة
جيكا : اسكتى متنطقيش بولا كلمة
فاطمة : انتى تعرفى ايه يا عبير وساكتة
جيكا : متعرفش حاجة ياما دى تلاقيها قرت كلمتين عالنت فاكراهم هيفيدونى
لو عايزين تساعدونى خدو بالكو من نفسكو (ياتى النقيب حسام والرائد عصام وقوة الشرطة شاهرين اسلحتهم نحو جيجا )
يوسف : اهلا بجيكا ابن الناس الطيبين انا قولت ما افسدش عليكو اللحظة العائلية دى بس بيتهيئلى انكو خلصتو
ايه مذلول خايف
جيكا : جيكا النمر مش فرفور ومبيخفش من النسور وعمره ما هينكسر ولا يجيي عليه الدور
يوسف : تصدق حلويين البوقيين دول بس يا ترى لما تيجى عندنا امن الدولة سورى الامن الوطنى هتفضل برده فاكرهم هنشوف اقبضو عليه
مشهد 65 نهار \ داخلى صالة شقة جيكا
يدق الباب تفتح هدى تاتى فاطمة لترى من عالباب يدخل زين
هدى : زين انت كنت فين الخيبة الطويلة دى
فاطمة : مين يا هدى
هدى : ده زين ياما
زين : كنت فى البلد امى تعيشو انتو
هدى : البقاء ل الله الله يرحمها
فاطمة : البقية فى حياتك يابنى
زين : ايه اللى حصل لجيكا يامو جابر انا مصدقتش يستحيل جيكا يعمل كده
فاطمة : اهو النصيب يابنى
زين : اى حاجة تعوزيها انا موجود ياما جابر ده اخويا
فاطمة : اصيل يا ابنى
زين : ربنا يظهر برائتك يا جابر قادر يا كريم وانا هعرف مين اللى عمل كده
ج2 فى الرد القادم
