ط
مسابقة الشعر العامى

وبعشقها ز مسابقة الشعر العمى بقلم / أحمد عطا عباس .مصر


أحمد عطا
·

شاعر وكاتب مسرحي في شاعر

أحمد عطا عباس
مصر – مطروح
مسابقة الشعر العامي
قصيدة ” وبعشقها ”
………….
وبَعْشقها
ومش عايز حبيب غيرها
ميلزمنيش
وبعشقها
ولو تجرحني بدعيلها
تدوم وتعيش
دا عودي شَبّ في براحها
وعودي غنَّا أفراحها
ولو يدوني مطرحها
كنوز الدنيا متكفيش
وبعشقها
بحق الحضن والضَّمة
بدون مواعيد
بحق الصحبة واللمَّة
في ليلة عيد
بحق ترابها دا المروي
عرق ، وتاريخ ، ودم شهيد
وبعشقها
بفن جنوبها وأصالته
غُنا ومواوييل
بزرع الدلتا وخضارته
وخير النيل
بنسمة جايه من مطروح
ترد الروح
وتشهد إني بعشقها
بطيبة أهلها وناسها
بأزهرها وكنايسها
مفيش غيرها ينافسها
ولا للقلب يسبقها
وبعشقها
ومش عايز حبيب غيرها
ميلزمنيش
وبعشقها
ولو تجرحني بدعيلها
تدوم وتعيش
تدوم وتعيش
تدوم وتعيش

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى