لا بلونى ولا أسمى
انا اللى بشعرى تعرفنى
بقول الكلمه من قلبى
واحساسى بيوصفنى
————–
كتير تدارا احزانى
ف بير صبرى وكتمانى
تشوف البسمه فوق خدى
تقول الدنيا شريانى
وانا اللى الدنيا طحنانى
وعجنانى وخبزانى
وانا ياما انكسر ظهرى
واللى كسرنى قوانى
————–
وب امبارح بنيت اليوم
ويومى ببنى بيه بكره
اجيب م الذكرى اسعد يوم
وللاحزان م نيش فاكره
وبتحدى سنين العمر
حاعيشها حتى لو رافضه
حعيش بين الزهور ورده
على عودى بغصون ثابته
ومهما الدنيا حتعاند
حسايس فيها واسترضى
وهى ضرورى راح ترضى
وترضى ولا ما ترضى
انا باارادتى حتحدى
سميره الاسريجى (ماما نونه
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
