خاص بالمسابقة معوض حلمي علي مصر 00201026627062 عامية ... الحنان بيني وبينك .. ................................ ابو حلمي مالك كده يابهانه ماشيه ومتنشيه عشان جمالك عفى وغزاله مسحوره أنا برضه واد عتره وم المنشيه وآيه في الجمال أصلي م المنصوره بهانه إن كنت غاوي وصالي بالصبر هاتنول وابويا رافض ياغالي وباني ألف جدار والعهد بيني وبينك والود موصول والليل مهما يطول بييجي بعده نهار أبو حلمي تعبتي قلبي وراكي داير الف شكلي إتعملي عمل وفكري احتار قولي لابوكي شويه عني يخف لاحسن أسوق فيها واعمل زار واشيل طبله وادور حواري البلد عاشق بهانه ياناس وعقلي اتجن واقف ببابك بكل عزم وجلد يمكن يشوفني ابوكي قلبه يحن أبوها .. فينك ياشيخ الغفر الأمن مش زابطين مجنون على بابي باين عليه محتال جاي طالب القرب لاعنده مال ولا طين وبهانه فرسه وعايزه واد خيال .. الغفر ومالوا شيخ الغفر لما احنا موجودين بعنينا شوفنا الولد حارس عتاب الدار لاعمره مره غدر ولاكان قليل الدين جاي طالب القرب عاشق وقلبه خضار شيخ الغفر ناديت غفير الدرك قال الولد معذور بهانه زي الحور وسهمها راشق وقال حرام ياناس نشهد عليه بالزور وحرام في شرع النور نقبض على العاشق مالوا يابوها الجدع معروف وزي الفل وليه رضيت البدع وتزيد ياعم أسيه أجبر بخاطر الولد يحلى الفرح ويطل إنسى الغنى والفقر كل البشر سواسيه أبو حلمي لو كنت عايز مال قلبي الحنين قصر والمال يابوها ساعة الميراث عله هاديها روحي وإخلاصي مهر واشيلها في عيوني وادويها م العله بهانه مالنا يابويا ومال كلام الناس مادام شاريني الفقر مش عيب وأبو حلمي أغلى من الدهب والماس لاشوفته بيطاطي ولامره صاحب ديب أبو حلمي ندرن عليا يابت لاجعل حياتك هنا وامشي لك على الشوك مادمتي شاريه الود واملى الشوارع والحواري غنا واشد عودك وازرع خدودك ورد بهانه لما آجي بيتك هاوهبك زهرة شبابي حافظ على العشره إوعاك تخون إياك تبيعني أو تفارق ضل بابي شيلني في عيونك خليك حنون أبو حلمي الحنان بيني وبينك فيفتي فيفتي والإيدين متشبكين تمشي الهموم أصون ودادك وانتي برضه تصوني غيبتي والبيوت عايزه الأمانه عشان تدوم بهانه الأمانه ف ضل روحي هابنيهالك هابقى مرتك وابقى أمك واحتويك والمحبه جوا قلبي شايلهالك واوهبك روحي وحياتي وافتديك أبو حلمي إفتحي ودانك واسمعيني يابهانه إياكي والغيره بتقلب خضار الأرض بور وبيوت العز بعد العز تصبح مهانه والحب يطفش منها ويروح .. لنور بهانه إستني قابله قولي مين دي تبقى نور وازاي بهانه تهز طولها أو تغير لو حتى واصل حسنها بدر البدور انا برضه غاليه في البلد خالي الغفير أبو حلمي مهما قلنا ومهما عيدنا الطبع غالب يروح لنور يعني شمس جايبالنا النهار أو همس القمر بالليل بينده ع الحبايب بإختصار الغيره في الستات مرار أبو حلمي إحفظي سرك وسرى واعلي .. بيينا إوعي جاره تود ليكي وتسمعيها إفتحي عيونك قصقصي طيرك توجعينا سدى باب الشر عنا وامنعيها بهانه هاسد بابي وف رحابي إنت الدليل فاوعي بره البيت عينيك تزوغ تندهك نداهه تمشي وراها ديل ع العهد خليك وفي وإياك تروغ دويتو مشترك ابو حلمي وعدي ليكي عمري ليكي وقلبي دار وإن لقيت دمعه ف عينيكي هابقى حوت بهانه وعدي برضه زي وعدك له مدار وإن لقيت دمعه ف عينيك هازعل واموت
