ويمكن ده أللى خلانى.مسابقة الشعر العامى بقلم / محمد السعيد عبد النبي

خاص بالمسابقة
محمد السعيد عبد النبي
بورسعيد..مصر
الشهرة..الشاعر.محمد السعيد الشاعر
شعر عامى

ويمكن ده أللى خلانى
احس مرارة الايام وانا فاكرك
شعاع بهتان فى ليل خافت
وصورة هجر فى ملامحك
ومش عارف اصدق قلبى لما اسمع رنين اسمك
ومش عارف اصدق روحى لو همست فى ليل حسنك
ومش عارف ملامح ايه الأ حناها سواد مركون على وصفك.
..أكيد كنتى فى زمن تانى
وصورتك برة عن اصلك
ويمكن ده إللى خلانى احاول فصل احلامى
واعيشك بعد كان وصلك
أعيشك عمر موش تكرار لماضى عشته فى أمسك
واحاول ابص فى مرايتى وكلى ايمان بانى فى شط غير شطك
لانك.مرة قوليتلى فى همزة وصل فى قلبك
ساعات تيجي. تدوب بالحنين همسك
ساعات تيجي فى موسم بس مابصدفك
ومش عارف
مواسم ايه اللى بتقولى عليها حنين
وايه شوال وذى القعدة وشهر حزين
وايه خلى الخريف يجمع مابنا مادام فى الاصل مختلفين
تعبتى القلب بكلامك واحلامك وكل الحب
كان منك مجرد دين
لاعارفة انتى فين رايحة وايه عايزة
خيال مرسوم بضحكاتك
بأن الشط يوم يرسي عليه شراعين
ونتقابل وتحكي لى انا ذيك فى احزانك
فى احلامك فى دقاتك ده حتى الجفن فى ننك
عليه دمعة
تقولك احنا متشابهين
وفين كل الحنان
سحابة كنت فى سمايا
بان الدنيا راح تمطر حنينك سيل مجرد طيف
بيقتلنى بامل ساذج بانى معاكى راح احيا
الحياة حياتين
وانا وانتى هانتقابل بروح واحدة ومش بروحين
ومش معقول يكون كل الحنين دوت
خيال صامت
معشعش جوى احلامك فى همسة ليل
ومش معقول تحبيني ساعات فى سنين
ده حتى الحب لو كان ذنب
أكيد الذنب له تكفير
وانا شوفت الحنان منك قليله كتير
لأنك يوم ما قولتيلى فى همزة وصل
كان قصدك قطعية سنين
ويمكن ده الا خلانى احس مرارة الايام وانا فكرك
محمد السعيد….