قصيدة بعنوان…….. ياطير مفارق
ياطير مفارق عشنا
طال الغياب
نسمة هوانا تفرحك
والا العذاب
مين اللى قال إن الغريب
طال السحاب
اوشاف حبيب منه قريب
وف حبه داب
وإنى نسيت حبنا
بعد الغياب
وقطعت صورتك من كتابى
وقلبى ساب
جوايا ليكى عن ماضينا
١٠٠ سؤال
محتاج جواب
أزاى هدمتى كل شئ…..؟
من غير عتاب
ماتفكرينى يانن عينى
مين اللى باعنى
ومين ناسينى
وأقرى صفحات الكتاب
قبل أما تنسى كل شئ
من غير حساب
لو مرة كان
قلبى نسى والا قسى
أو مرة عاب
ده انا كل ثانية
كنت بأكتب لك جواب
أرجعيلى ياحب عمرى
صدقينى غصب عنى
هدنى طول البعاد
لسه حبك فيا ساكن
وف غيابك عنى زاد
لسه صوتك بينادينى
مهما لفيت البلاد
لسه بأحلم يوم أشوفك
ف المكان والمعاد
لسه فاكره الذكريات….؟
يوم فرحنا ويوم زعلنا
ويوم سهرنا ب الساعات
والنجوم والسما والأمنيات
والمشاعر والوفا والأغنيات
كل الحاجات
والا دابت وأتنست
ويا اللى فات
والحب مات
