ياوحشنى الشوق زى النار
والظاهر انا مش على بالك
هو انت واخد الحب هزار
ولا انا بقيت مش خيالك
**************
فين حبيب قلبى اللى كان
بينام وبيصحه فى احضانى
وزارع فى كل مكان بستان
وقال لى الورد كله عشانى
ليه يعايشنى فى وهم كبير
ويجبلى شلل من التفكير
ده كان فرشلى الارض حرير
شكرا ياحبيبى على سؤالك
**************
ياوحشنى الشوق زى النار
والظاهر انا مش على بالك
**************
ليه يجمعنا وحنا اغراب
ويفرقنا الكون حبايب
هو يقصد يعنى العذاب
ولا انا فى الحب خايب
مالهمش فى الطيب نصيب
ياريتنى كنت بقلب ديب
يمكن كنت لقيت طبيب
داوى جرحى ونسانى خيالك
**************
ياوحشنى الشوق زى النار
والظاهر انا مش على بالك
**************
حرام تاخد قلبى لجنه
ولاقى اخر المشوار نار
كان نفسى وياك اتهنه
وغنى على نغم المزمار
لكن حظى ياليل قليل
يامعلمنى اكتب مواويل
لكن عمرى ماهكون زليل
وهخاصم قلبى اللى شكالك
**************
ياوحشنى الشوق زى النار
والظاهر انا مش على بالك
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
