خاص بمسابقه مهرجان همسه الدولي للادب والفنون
2019في شعر العاميه اسم القصيده يا ولد القلب
محمد مصطفى مرجان
طنطا بمحافظة الغربيه مصر
01027649659
يا ولد القلب
في بداية جوابي لك
بوصلك سلام الكل
وبنقلك حنيني لك
كشمس منوره ونورها
مدفي الكل
ياعود ياسمين بيدلل
في شجرة فل
فلو تاه الجواب عنك
ولا قدرش ان يوصلك
فمش ذنبك
أكيد عنوانك اتغير ميتين مره
في ست سنين
و إنا بنفس الجواب دايره
ميتين مره لعل الساعي في البوسته
يلين مره
ولا يرد الجواب تاني ولو مره
سافرت يا ولد ابوك وامك
حققت حلمك ومشيت طريقك
ربي يهديك يا الولد ويكون رفيقك
دعايه ليك مها تعمل واش هتعمل
خله وتتشحتر تكبر وتتكبر
على فرقتي تقدر
غير في ريحة العرق
واللبس والمنظر
غير في لون الجلد لو تقدر
عارفاكي يا ولدي مهما تتغير…
مين يا ابن ابوك وامك
يمسك اذى غيره
وبلهفه يستناه لو مره يتأخر
يشم ريح غيره
ويقول عليه الله لو عنه يتأخر
والله ما يطيق الضنا
غير اللي جابوه الحياه
مهما بيتكبر
واحشني يا ولد ابوك وامك
وقاتلني الحنين لعنيك
طول عمري بقول عنك
حنان الدنيا مخلوق فيك
فكيف قادر علي الفرقه
مفيش لك حد تشتاقله
أخدت القسوه مالغربه
عود واشتد على اصله
دانا قلت جبت الولد
وبقالي ظهر وسند
مباش يهمك حد واصل في البلد
طب دمعة امك
ده انته كنت زمان بتسبق يدها
وتقول محال الدمعه تلمس خدها
صحيح ياولدي ما بندلعش رجاله
عشان لو تتزنق زنقه
ماتتحولش برياله
معقوله ده اللي زرعته فيك
لو كنت يوم قاسيه عليك
انا كنت بقسي عشان متكبر
ينصلب عودك
بترد قسوة ربايتي
لما انحنى عودي
لجل استقام عودك
كل البلد بتنام وتصحى
ما همهم اللي غاب من اللي حضر
وانا كل ليله بموت وبحيا
ما همني غير امته هتعود من السفر
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
