يا ام اللمسة السحرية.مسابقة الشعر العامى بقلم/ طارق يوسف .مصر

بخصوص مسابقة مهرجان همسة
شعر عامي
الإسم / طارق يوسف
الدولة / مصر
01211455735
***
يا أم اللمسة السحرية
***
يا أم اللمسة السحرية يا داليا مندية
يا مسافرة في دمي يا رحلة بلورية
يا أحلي نجمة ليل يا جنة الحب ذهبية
القلب كان مقتول والشعر صار ليه
***
يا أم الإيدين ناعمة والكلمة الحلوة دافية
مسحت ظلام الليل وفتحت قلبي وعينيه
جايبة معاها القمر تنور لي للصبحية
قايلة للنهار إطلع علي ولادى بحنية
إمسك سلاحك يا إبني وطهر بيدك أراضيه
عمر سينا ما ترجع إلا بضرب المدفعية
أنا إسمي في القرآن أنا مهما كان هيه
***
مصر الهرم والنيل بالدم والدمع مروية
تاريخي عرابي ومصطفي أصل كفاحهم نية
ولادي فريد وسعد صاحب الثورة الأولية
ونجيب وجمال وأنور والنصر مبروك عليه