يا منقوشه بحروف أسمك
علي قلبي
علي شرياني ووريدي
علي نبضي
تعبتي كتير لكنك
واقفه تتحدي
وده طبعك يا أم الدنيا
يا بلدي
يا مرسومه علي جبيني
بلون عَلمِك
أنا الحامي أنا الحارس
علي أرضِك
و أنا اللي حلفت أعليكي
و أصون عرضِك
و لو سالت دمايا شهيد
و مين قدي
يا بلدي شيلتي فوق حملك
جراح مُره
وآن الوقت أداوي الجرح
يا حُره
يا أرض النيل يا أغلي وأغلي
م الدره
حبيبتي يا مصر يا تاج ووسام
علي صدري
أنا منك أنا سندك
بلاش الخوف
حدافع مهما كان عنك
فأي ظروف
وحرفع للسماء رايتك
وبيها أطوف
يا محروسه بأمر الله
بعونه محنه وتعدي
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
