كل واحد مننا عايش في الدنيا دي لهدف
كل واحد مننا عايش في الدنيا دي علشان في حد مهم في حياته عايش علشانه وليه
كل واحد مننا عايش في الدنيا دي علي أمل
كل واحد مننا عايش في الدنيا دي علشان يفضل يسعي ويجتهد لتحقيق حلمه
أفرض بقي ان حد عايش في الدنيا دي بلا هدف و بلا جدوي
يبقي ليه عايش وعلشان مين يعيش
إذا كان أدي لناس كتير السعادة وما لقهاش
ضحي علشان ناس كتير والتضحية دي باقت بالفشل
حتي ااقرب الناس ليه ما رحمهوش ولا فهموه
وهما كمان ظلموه وبدل ما يعوضوه كسروه
ليه كسرة النفس وكسرة الخاطر
حاجة صعبة أوي أنك تبقي عايش وانت مش عارف عايش ليه ولا عايش لمين
الحياة رحلة !!!!!! الرحلة دي قصيرة أووووووي للأسف
لا نجحت فيها — لا فشلت فيها
البني أدم مننا بيعيش مرة واحدة مش مرتين
في ناس بتحاول تعيش بطريقتها يمكن طريقتها دي ما تعجبش ناس كتير
بس يكفي انها راضية ربنا مش مهم الناس
المهم رضا ربنا أهم من أي شئ
ناس كتير مش فاهمة انها ممكن تكون بتهرب بالطريقة دي لأنها ما عندهاش حل تاني
غير أنها تعيش بالطريقة دي
لأما مصيرها هيبقي الانتحار
(أيهما أفضل )
الانتحار ولا الطريقة اللي أختارت تعيش بيها وهي برضه راضية ربنا
الناس ما بيعجبهاش العجب !!!!!! !!!!!!!
علشان كده سيبك من الناس وارضي ربنا
واللي مش عجبه يخبط رأسه في الحيط
عيش حياتك بطريقتك طالما راضي ربنا وسيبك من القيل والقال ما انت كده كده عايش عايش سواء راضيوا او سخطوا
ارضي ربك اولا ثم نفسك فقط
والناس ترضي ما ترضاش ما يهمناش
