يا دمــعة فى عنيه.مسابقة الشعر العامى بقلم / السيد صفا

…………………

يا دمــعة فى عنيه

استـــنى هنا شويه

خلـينى أقولك كلام

فــى الحب والهيام

خلينى أعطر لسانى

بذكرى اللى نسينى

كنت بتمنى أقوله

اللى فى قلبى كله

وحشانى والله يادمعة

ياريتها تكون لى سامعة

وتحس بيكى يا دمعة

وأنتِ نازلة ع الخد تروى

عطشى وشوق السنين

عارف انها تايهه

عن قلبى اللى لسه حزين

عن شوقى طول السنين

عن جرح ملهوش أنين

اوعى يا دمعة تشوفك

قلبها ينجرح لجرحى

انزلى ع الخد نشفة

بتسألينى يا دمعة وانتِ عارفة

انى مقدرش اشوفها حزينة

خليها ناسية وخلينى

أنكوى بيكى يادمعة

متخليهاش تشوفك وانتى نازلة

لتنزل دمعة من عنيها

ساعتها حزن الدنيا كله يبقى فيه وأفضل بجرحى العمر كله

وأندم لأنى نزلتك يا دمعة من عيونى صدقينى جرحى منها مش ألمنى

اللى ألمنى انى أشوفها فى يوم حزينة تعرفى يا دمعة مين هي حبيبتى

مصر اللى خليتنى دمعة فى عنيها مصر اللى خليتنى أبكى عليها

لأن جرحها من ابنها ليها

هى دى يا دمعة حبيتى

دمعه بتنزل عليها

بقلمى السيد صفا