يا عاشقة المراء لو يخبى الحسد وناكرة حنان اللى ضحى وصدق وكارهة أمانى فى حضن الأسد فعرشك منكر .. غير اللى ف سبأ لسوء النصيب الغريب مش نبى ولا عندى هدهد يجيب لى الخبر فكيدك لنفسك ..وانا مش غبى ولا عمرى اطاطى لمخلوق بشر انا مش جويده ولا انت قصيده ولا الشعر فيكى عشيق القمر دى نظرة وفكرة مجرد وليده وأكرم لحرفى يموت مبتسر ما بينك وبينى سباق الجلد وقلبك وقلبى رهان الورق يا ..ألملم شتاتى اللى فل وشرد يا اجيلك محمر وجارى المرق سلاحى فى صدرك ورافضه الخضوع سلاحك مخوخ وعوده طرى ورغم افتتانى أبيت الرجوع وجفنك بلانى بشوق مفترى على وش انى أسلم راياتى وشايف دموعك بتنطق ندم ورغما عليا نطقت بآهاتى وخدتك فى حضنى سقيتك نغم ضحكتى ..استبينا وخسرت الرهان وصدق عليها كلام الحكم فصعبت عليا غناوى الكمان بأول ذنوب اشتياق تترجم
