يا ماسك الدفة
ادفى الهوا عندك
ولا الغرق ادفى
قيس الحياة كفة
قيس الغرق كفة
ملعون من استكفى
من الحياة بالموت
علّي الشراع بالصوت
جدف على قدك
دي الموجة بتشدك
الموت بيندهلك
والموج بيندهلك
والبحر بيسندك
خوفك من الابحار
خوف البحار منك
يا ماسك المجداف
ملعون ابو اللي يخاف
ازعق بعلو الصوت
صوتك ده من الجنه
سمعني الأنّه
اصرخ وقولي تمام
شمر اوي الاكمام
ده الامر كله عليك
و الامر من امرك
جدف على عمرك
وافلق بمجدافك
يا موسى ده بحرك
يا ماسك ف الشراع
يا موقف عمرنا
افسح مجال للهوا
لسة الحياة ممكنة
ارفع شراع بشراع
ساند دراع بدراع
علق فرح زينة
وسع مكان لينا
نفرح كمان وكمان
نكتب بأسمينا
دي الفرحة دي علينا
والرزق عل رحمان
ده العمر ده سفينة
والحلم ده المينا
يا مراكبي عدينا
وامشي على جروحك
علّي الغنى علّي
ضلك ده من ضلّي
ملعون ابوه اللي
دايس على روحك
____________
