يا مصر يا ام الجلابية وشال
والقد الجميل بيتمايل
انا قلبي ليكِ مال
وعيوني بيكِ بتتغزل
عشقتك من غير سؤال
من يومها قلبي بيتعلل
يالكلك رقة ودلال
حبك لقلبي يتسلل
روحت الطبيب اشكي الحال
في قلبي نار الشوق يتشعلل
ضحك الطبيب وقال
لازم لقلبك تحاليل تحلل
بعد النتيجة يمشي الحال
واداويك من الاول
جيت بعدها اشوف الاحوال
لقيت عينيه بتتزغلل
هو زيي بيتعلل
حب مصر صبح موال
يغنيه كل عاشق
لحبها بيتسول
لوحة في غاية الجمال
حبها جوه القلب بيتجول
ياريت ارجعلها تاني
و الغيبة عنها ما تطول
والله يا ناس صدق
اللي قال
مصر ام الدنيا
وحبي عنها عمره ما يتحول
((((( امل حاج علي )))))
