مـا يـغـركـيـش .. --------د. خـيــري السلكاوي .. ما يغركيش .. وماتفتريش لما الاسد ف الحب راسه تنحني الحب يا ست النسا أفقر غني لولا الغرام دوب ف قلبه طلتك ما كان ملك قدام عنيكي ينتني ..... **** و ماتفرحيش لما الدموع تملا عرينه و سكته الحب مش سكة رجوع و لا هو نار هاتموته الحب نار فيها الحياه بيطفي بيها دمعته و الحب مكتوب ع الجباه و الحب باب مفتاحه تاه علشان ما ترجع بيه معاك لازم تتوه دايما معاه و تغافله مرة و تسرقه علشان عيون باب النجاه تسمع عنيه و تصدقه و تدوق عذاب قلبه و شقاه و الحب احيانا غبي ف الضلمة بيطفي الشموع و يعدي بحر بمركبة مالهاش قلوع و لا عمره كان سيدنا النبي و لا عمره كان سيدنا يسوع ..... **** و الحب مش مشروب ف كاس ولا هو لولي و فص ماس الحب خاتم تلبسه ف لحظة صفا أو حتى ف لحظة جفا تلقاه جميل لو كان نحاس فما تهجريش اسدك لأنه أهملك ناسية ان أحيانا بيدارى الملك لو حس ان انيابه يوم هاتزعلك يمكن غيابه عن عنيكي يعقلك ..... **** وماتوزنيش بمزانك الحساس كلامه عمر الأسد ماجاتله طلقة من أمامه ويقول ومهما يقول مابيخونهوش كلامه و حبيبته دايما حضنها أمنه و سلامه مين غير عيونها ف الهوى دايما إمامه .. مين غير عيونها ف الهوى دايما إمامه ..!!
