ركن فاضى…للشاعرة / نادية فتوح

أوضة زحمة جوة ذاتى

أوضة كاتمة

ضلمة …. عاتمة ..

عايشة فيها طول حياتى

واﻷمل يادوب بيرشح ع الجدار

حتى برد اليأس زاحف ع الستار

ناسية ليه طعم النهار ؟؟
والمرار من تحت بابى

جاى قاصدنى ….

والعيون نايمة ف همى وف عذابى

يبكى ليلى ع اللى حضناه الضلوع

نفسه مرة يجري يهرب

نفسه يكسر سجنه تانى

يلقى يافطة بسهم جارح

إنه ممنوع الرجوع .

بس جانبى ركن هادى

كل ما افتح عيونى ..

ألقى لسة الركن فاضى

كان منايا يكون مﻻذى

قبل ماتجف الدموع

كان منايا فى النهاية

أجرى واهرب منى لييه

كرسى والتانى قصادى

قهوة سادة ..

شاي زيادة ..

والسيجارة بين إيديه

عمرى لحظة عشت فيها

أحلى ما فى العمر كله

والسعادة باشتهيها ..

لوبصورة فيها ضله

واﻷمانى باشتريها بابتسامة

حتى عشقه دايبة فيه

لو يكون مليون مﻻمة

وابتدينا عمر تانى .. وبشقاوة ….
يرجع الحلم اللى ساكن
جوة ذاتى ويداعبنى …

ألقى نفسى ركن فاضى
نادية♡