سامحي اولادك يا مصر
مش عارفين قيمة ترابك
يا أم هذا العصر
الصديق قبل العدو بيغتابك
عايز يدوس على عتابك
سامحي ولادك يا مصر
مش عارفين قيمة شبابك
وقفوا على سورك و بابك
شالوا السلاح للنصر
سامحي ولادك يا مصر
شهداء بالدم فدوكي
وغيرهم بتراب باعوكي
سامحي ولادك يا مصر
خانوا الارض اللي شالتهم
دول مش تربيتك ..!!
تربية عدو على الذمة بايعهم
يحلم بقتل حمامك
سامحي ولادك يا مصر
نادوا بصوت عالي
يامصر من يشتريكي
باعوا و اشتروا فيكي
بس ما قدروش يشمتوا فيكي
سامحي ولادك يا مصر
عايزين يضربوا
خليهم يضربوا ..!!!
مش ها تجي فيكي
عايزين يهدوا
مش ها يهدوا…
لان اللعب مش فيكي …!!!
كثير قالوا عني ..
طب ودي مالها ..؟
بتحشر ليه مناخيرها ..؟
هو كان حد اشتكالها..!!
ولا دي فرقعة بتعملها…؟؟؟
ما عرفوا أني بغنيلك
يا ما شربت من نيلك
و دائماً بصلاتي بدعيلك
يحفظك ربي و يصونك
من شر عدوك وكل اللي يخونك ..!!
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
