========== ليه الحلم بعينى ياخلق بيتبدل وحمام السلم الاقى جناحه متسلسل وارض الطهر تحت اقدامى مش ثابته وبتتزلزل وماء المطر على نهرى دموع حرقه سيول تنزل يضيع شهده ومائه العذب ادوقه بفمى متمرر ليه الطيبه بقت عنا فى تغريبه ووش بشوش صبح يكسيه سحابة غيمه وكابه وحقيقة اتبدلت بالزيف بدنيا غروره كدابه وصوت كروان يغرد فوق بستان بالحان ينادى الملك للرحمن اليوم صبح صحراء قفار وفوقها يحوم حدا وغربان وبوووم يزعق وصوت خرطوش والى ويا طياره ودبابه وطلقة غشيمه من جاحد بتخطف روح بسبابه قلولى يا خلق انه كابوس وان عيونى كدابه معقول الحلم يبقى كابوس ما عملتش يوم انا حسابه معقول الفرح يتبدل هموم واحزان وما اعرف حتى اسبابه قلولى يا خلق انه كابوس وان عيونى كدابه بقلم === الشاعر \راسم محمد
