************** تحــــــت شجرة تـــــــوت عيلتنا عند ساقيتنا القديمه كُنا نتقابل يومـــــاتى كان يقولى يا حياتى بكره تفـــرج يا نعيمه بكره اقضى الجيش واســـافر هشتغل لاجلك واعافر واما ارجع …..راح تكونى من نصيبى مــا انتى كل الدنيا ديا مهما اقول عنك شويه مستحيل عنى فـــ لحظه راح تغيبى كان منايا ف ليل سكاتى كات معـــاه كل حكياتى كان حبيبى ……كان دوايا وكان طبيبى وسر مـــن اسرار حياتى واما عاد م الجيش وجــانى قام ندانى ابن عمى الواد حليوه اسمرانى روحت له فـــ نفـــــــس المكان اللى ياما دوقنا فيه طعم الحنان واما شافنى قال بلهفه واشتياق كات عيــونه بتشتكى حر الفراق وابتسامته الحلوه راسمه للسعاده مية طريق رغم اخــلاقه الخجوله كان ف حبه الواد جرىء عمره عنى ما خبى حاجه كان يقــــــولى كل شىء مـــــــــــد ايده وخد بايدى مره واحده زود النبض ف وريدى قال يانور عينى هقولك كلمتين اسمعيهم وافهمينى اوعدينى مهما اغيب عنك وابعد لو سنين تستنظرينى مستحيل احيا واشـــوفك ويا غيرى كنت اموت لو حــد غير خط سيرى واتفقنا وخـــدت عهد انى مش راح احب غيره اى حد وانى اصــــــــــون وده ف قليبى وانه يفضل هو بس اللى حبيبى واما جات ساعة الرجـــوع غصب عنى عينيا غرقت ف الدموع زى ما يكون مش هشوفه مره واحده قلبى كان مقبوض وخايفه واللســــان تاهت حروفه طب اقـــــــــــــوله استنى ارجع ما تسافرش ؟ وللا اقوله محتاجه لك تبقى جنبى ماتغامرش وف النهايه راح وسافر سابنى وسط الريح بعافر قالى ادعى لى يا روحى …..قال ســـــــــــلام كل ليله كنت اشوفه كان ييجنى فــــ المنام والكلام كان بينا واصل زى ما يكون كان معايا كل ليله كان له مية قصــه وحكايه ماكنتش اعرف ان ده سطر النهايه وانى عايشه حلم اوسع م الحدود واللى ودعنى وسافر مستحيل تانى يعود والعهود اللى ما بينا اصبحت زكرى جميله عايشه ف صدور اللى عاشوا من صحاب عمره الجنود *********** قلم/ حلمى قاسم
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
