دلوقت بس
أقدر ياروحي اعترف
لجمال عينيك
اني بحبك والهوى
خدني إليك
وان غيبت يوم
بفضل ألوم
طول الليالي المظلمة
وأشتاق إليك
واطلب من الليل ينصرف
واجري عليك
تمسح كفوفك دمعتي
وأحضن ايديك
واهمس ف ودنك بعشقك
وحَياتي ليك
دلوقت بس
عرفت اني بدون هواك
عايش وحيد
تايه ما بين شط الإنين
ودموع عينين نبض الوريد
واني ف لقاك
قلبي الحزين بيكون سعيد
ويعيش ليلاتي ف الهنا
وأيامه عيد
وعشان هواك
واختار يكون ف الكون ملاك
بيقول لولاك
ما عرفت يوم طعم الغرام
وحرام عليك تبعد بعيد
وتفوت دموعي تشتكي
منك إليك
*******************
رضا أبو الغيط
