ا مليون اجابة والسؤال للكدابين لحد امتى هتكدبوا ومصدقين ؟ طالقين دقون الدروشة جوه الوطن عاملين ضحايا وابريا والفعل شين وبتشربوا من دمنا الطاهر كاسات والفعل فاضح وانتوا عنه مغمضين زارعين عيون الفجر كدب والف زيف وملطخين وش الحقيقة ب100 يمين لا بسين قناع الاوليا الفين سنة وبتنهشوا جسم الوطن والاسم دين مين اللي قال هيكون ما بينكم مؤتمن على ارض مصر وعرض ناسها الطيبين ملعون ابو الفرحة اللي ساكنة قلبكم وشماتة طالة من عينين الدجالين ملعون ابو الذمم اللي بتخون العهود زي اليهود باعوا الضماير من سنين بتحللوا وتحرَّموا حسب المزاج والمعتقد وادي الشمال بقى عندكم زي اليمين دم الشهيد اللي اتقتل على ارض سينا لسه صداه بيهزوكوا انا حقي فين ؟؟ الله اكبر م اللي باع حق الوطن ومن الخوارج واللي عاملين مسلمين
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
