قصيدة : نار حمره . مسابقة الشعر العامي بقلم / نصر هاشم

نار حمره
….
نار حمره
على جمره
وقلة بوح
وروح
فايره
ماهيش سايره
حطان البيت
ماهيش بايره
ولا غايره
حاجات جوايا
ماهيش دايره
لا نبض وبوح
لا. روح بتبوح
حاجات فيا
تموت م النوح
يا. نار حمره
شبه. قمره
وروح من خلق
وخلق يدوب تدوب
من طلق
وأحس تملى
ساعة حرق
ابات ف الطل
واسقيلك
حاجات جوايا
من. نيلك
اغنيلك …
وأغنى تملى
وارميلك
ساعات بتموت
على جيلك
واحسك ليه
واغنى كتير
ف مواويلك
معدش حاجات
تفوت ليلك
أنا البهتان
ف غرابيلك
ولو حسيتى
سواد ليلك
أنا الدهبان
ف قفاطينك
واعد سنين
ف قرابيزك
وشوش ف وشوش
ولو حبيتى
مين ح يحوش
حاجات مايجوش
ولو غبتى سنين
ف عشوش
بحبك ليه
اكيد عارفه
واكيد شايفه
وحاسه بايه
…..
نصر هاشم
خاص بالمسابقه
شعر عامى