ده ظالم جه بدمعة عين وقال للناس انا مظلوم وواحد تانى كان فايز وقال للدنيا انا مهزوم وفيه غرقان فى نعم الله تشوفه تقول اكيد محروم وده واهم وده موهوم وده عنده هموم بالكوم وفيه حاكم وفيه محكوم وفيه الدوغرى والمبروم فى ناس نايمة بطول اليوم وناس صاحية فى وقت النوم وده يشوه وده يموه وبعدين يجرى يتسحر عشان هيصوم وتاكل فى طبق واحد وفى الضهر تلاقيك مذموم وده واحد بيتكدب لأنه امين وفيه غيره ملوش فى الدين لكن بيقول وكله يقين كلامه فيه عسل مسموم وشاب يموت لأنه شجاع وصاحب باع وده بيزود الاوجاع وعلى وشك تبان مهموم دى لعبة كبيرة ملعوبة وناس إرادتها مسلوبة ف دنيا غريبة منكوبة فتلقى الآية مقلوبة
