***********
ما تسألنيش
كٍرهتك ليه
وليه بلعن سنينى معاك
عشان قلمى اللى بكتب به
لسانه طويل
مهوش خواف
ولا بينحاز
لناس بيتها ازاز ف ازاز
غواها الكدب تتشعلق
ف حبل هواك
ما تسألنيش
كٍرهتك ليه
وليه بوصف حياتى معاك
بحض التيه
عشان قلمي اللى ربيته
على الإخلاص
وع التقوى
بيكره موت حروف الزيف
وعنده يموت
على باب الأمل واقف
ولا يكتب كلام تخريف
عشان يرضى غرور الناس
ولو كان التمن إنه
يعيش ف هلاك
ما تسألنيش
كٍرهتك ليه
وليه رافض أكون وياك
لا أنا مجبور
أدوق الويل
وللا بتدارى من خوفى
ف توب الليل
أنا القنديل
ومن صغرى بحب النور
وبكره كدب أمثالك
وطعم الزور
وكل الخلق تعرفنى
هنا وهناك
وقلب الناس بيوصفنى
بأنى ملاك
********************
رضا أبو الغيط
