قصيدة: بحبك موت . مسابقة الشعر العامي .بقلم / رمضان المهدى

للشاعر / رمضان المهدى
قصيدة بعنوان
…..
بحبك موت
….
بحبك موت
و لو مره
على بيتك
بروحى افوت
كما المجذوب
بقولة حى
و شايل روحه فى الراية
و رايح جاى
دا انا العاشق لنور عينك
و نور عينك ما حاسس بى
فردت دراعى فوق شطك
رسمت الاسم فوق خطك
دا نورك
و دا ضيك
مفيش زيك
و لا بعدك يا روحى هشوف
يا نسمه لما هليتى
على بيتى
و كان مكشوف
و طرح الخوف
مضللنا . . و رامينا على الهامش
و انا كامش فى حضن الليل
مانيش شايف
و لا شايفينى بالمرة
أدى ايامى فى الدنيا
يوم حلوة
و يوم مره
عجبانى فردة المنديل
و البلاص على راسك
انا ايدك
انا فاسك
اهد الصخر
و تخضر لياليك
و غناويك اللى انت زرعاها
هنرعاكى .. هنرعاها
مهما فى الدنيا دى تعبنا
و عانينا
هتلقينا
و اسمك الصافى
على اكتافى طاير بيه
موجك يصحى على صوتى
اللى كان مدبوح
ابوح .. و اصرخ
بحبك موت ..
مهما اتغربت عن شوقك
يا غالية برضوا ساكن فى
اشوفها نظرتك .. سهمك
مراد الكحل سكناها
و سكنانى
خلخالك رن فى السكة
ادن فجرنا بدرى
و صحانى
عصافيرك عصافيرى
تغنيلى و أغنيلك
على نيلك
عشت يا مصرنا حره
عشت يا مصرنا حرة
….. رمضان المهدى
رمضان مهدى خليل حمدالله
01282893760