الإسم: محمود عبدالمنعم سيداحمد
فئة: العامية
قصيدة: فرق تفتيت الزمن
رقم الموبايل: 01012218817
#فرق تفتيت الزمن
بتخيلك ….
وف كل يوم نفس الميعاد
بحبس آنيني في ضمتك
وبراعي كل شعور ما يشبه حضرتك
وشطارة التمثيل لمشاهد اللهفة
وغيرتك الـ ملهاش وجود
وبجود عليكي بالحنين
مع فرق تفتيت الزمن
مع كل حتة بتنكسر
مهزومه جوايا أنا
بتخيلك
و النبض ف الرمق الأخير
ومفيش بطل من غير عذاب
وازاي تحب ف قلب ساب
نفس الطقوس ماتغيرتش ..
هيّ الدواوين القديمة مبعترة
مرتاح على وشوشها التراب
نفس الأماني ع الرفوف متعلقة
احلام في درج المكتب المقفول
بالضبة والمفتاح
فنجان بيشكي لهفتة
الساده بزيادة حبتين
ورواية فيها بصمتك مسلوبة منها الروح
وغنوة ياما سمعتها رددتها
( هو انتي لسه بتسألي )
راح تبقى بالنسبالي ايه؟!
اطمني
من غير كلام راح أقول مفيش!
ــ حتى المسافة
ما بين عيونك والحنين ..
صعب ان تتقاس بالسنين
زي انسحاب المطره من رحم السحاب
تحضن بواقي أرض مني مودّعة
تطرح ورود
تشبه حروف متفرقة والنظرة منك جمعت كلمة حبيب
إيــــــــــــــــــاك تغيب…
شطين فـ بحر الحب جنبي
مقربين
م المستحيل انك في مرة تضمهم
بس اللي سايل دمهم بقى موج
والموج بيسحب مركبي برا الحدود
خلاني ااااااخر حد منك للوصول
حلمين في راسي المتعبة..
نازلين خناق
ومابين فراق
ومابين لقا ..
متخبطين
درويش بيصرخ : وحدوووووه
والحضره حاضره في عقلي انا
فض الخناق
أنغام دموعها الملهمة
وسؤالها موجوع م الحنين
_ليه لسه ناوي عـ الرحيل؟!
ما النبض موصول في الايدين
بيضمهم بعد الغياب
يا نن عين قلبي اللي شاب ..
كفياك رحيل
كفياك هروب
معقوله خايف نظرتي
_خايف أدوب…
محتاج ضمان
علشان مفيش للإشتياق
جرعة دوا أوطوق نجاه
دول محتاجين مقياس جديد
يحصر خطاوي الغربة في حضن الغياب
يحذف عذاب…
يرميني في شباك النصيب
يطرح وجودي م الوجود
يجمعني بيكي لو للحظة
ويصبني سهم من عيونك
يحيني بالموت البطيء
جايز وممكن بعدها الغي الرحيل
أو إن يمكن الغياب يرجع يطول.
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
