تقدمت وفاء وهى سيدة فى منتصف العقد الثالث من عمرها بطلب الخلع من زوجها لسبب عجيب
قالت وفاء في قصتها «اتخطبت لشاب فترة سنة وشهرين وبعدها أتجوزنا وكان طبيعي جدا ومفيش مشاكل بيني وبينه، لكن مع مرور الوقت وفي أول سنة، كان بيمارس معايا العلاقة الزوجية بشكل عنيف جدا ومكنش عنده أي مشكلة حتى لو أنا تعبانة أو أن مثلا والدته أو أخواته يكونوا بايتين عندنا، وكنت بتكسف منه وأقوله أن ده مش هينفع لكن هو كان غريب في تصرفاته».
وأكملت وفاء عن زوجها «مع الوقت بدأت أكره العلاقة كلها ومبقتش عايزه أني أكون معاه، لدرجة أنه كان بيعتدي عليا في بعض الأوقات ده غير أنه مكنش بيهمه حاجة والعلاقة الزوجية كانت بنسبة له أهم مني أنا شخصيا، حتى أنه في مرة قولت له أنا النهاردة مينفعش وتعبانة ومرهقة من شغل البيت لكنه قالي مش هينفع وتعامل معايا بعنف، وبعدها عملت معاه خناقة».
واختتمت وفاء قائلة «في النهاية قعدت معاه وقولت له أنا مش هستحمل كل ده وطلبت الإنفصال لكنه رفض وبعد فترة روحت محكمة الأسرة عشان ارفع عليه دعوى خلع، لأني زهقت منه ومن الحياة بالشكل ده».
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
