بسحب ورقتها وقضوا علي حلمها
وأيه السبب ؟!! وأيه ردها ؟!!
قالوا سألوا معاها موبيل تاني ولا لأ ؟!!
ردت أه وأخد الهاتف وبره قالها
بذهول ردت ! والخوف ماليها !!
انا إيه عملت ؟ عملت أيه!! بس
صوت ظلمهم كان أعلي من صوتها
مشيت خطوه ووقعت مهو ضاع حلمها
والدموع في عيونهم جريوا إصحابها
ليشهدوا علي موتها ووقوف قلبها
وكان تمن ظلمهم وإهملهم موتها وكان
أيه ذنبها ؟مجرد حلم إعتبروه موش حقها!
غلطت مين هيا ولا احنا ولا هما !!
ومين يتحمل ذنبها جهلهم وتعنتهم ؟!
ولا احنا بخوف معشش بقلوبنا
خوف ملانا وماتت بين إيدينا
ماتت من خوف ملاها ووقف قلبها
خوف من صدمه وظلم قتلها
وكان أيه ذنبها لتختفي ضحكتها ؟!!
وتموت بين إيدينا وما حدش يلحقها
ولا حتي في العلاج خدت حقها
وبدل ما بالاسعاف يتصلوا لتلحقها
خرجوا يجيبوا كفن ليغطوها
ماتت بين إيديا والكل وقف يتفرج !
علي كلمة ماحدش يجي جنبها !!
ماتت وقال إيه قالوا إرادة الله !
إرادة الله تقتل حلم وقلب معاه !
قلب كان بيرسم لنفسه حياه
قتلوا القلب والحلم معاه !
وبقي_السؤال_أيه_ذنبها ؟!
تموت البراءة ويقف قلبها
ماتت شهيدة علم وحلم كان عندها
وفين حقها ؟!ضاع بضياعها وموت قلبها
ماتت وسابتلنا الحزن يفكرنا بسكوتنا
في ذكري في صوره بتحمل بسمتها
تفكرنا بخوفنا نقول لا ونصرخ فين حقها
وأيه ذنبها ؟! قتلوها وقتلوا قلوبنا معاها
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
