قصيدة (الروح بتناديك ) للشاعر محمدالبدراوي الغتوري

ف حبك يا غالي

وأنا مش في بالي

أكون غير ليك

وببعت سلامي

وشوقي وغرامي

يا حلو الأسامي

من حبي فيك

وبحلم تجيني

وترحم أنيني

وتحضن حنيني

وتنسى اللي كان

بيا وبيك

أنا بسرح ياعيني

بعمري وسنيني

وقلبي يواسيني

وياخدني ليك

وأشوفك ياروحي

تداوي جروحي

وتاخد بروحي

وأتسنِّد عليك

وأحس بحنانك

وأعشق مكانك

وأملى كيانك

وادوب في عنيك

بسرعه تعالا

متقولش استحاله

أنا ليك مياله

والروح بتناديك

لبِّي نِداها

وأعشق هواها

واسكن معاها

وخاف عليها