* مسحراتى بنادى اصحى يا مصرى راسم اتاك اليوم هيقول كلام حصرى هينادى يا بلادى يا مصر يا عزى يا منبت اجدادى انا نبتك الاصلى هاحكى تاريخ مكتوب بشهرنا الهجرى العاشر من رمضان دا كان طلوع فجرى هاحكى عن جندى باسل ميزه ربى واقول يا هرم شامخ يا مجدنا الازلى يا نيل حبه بواردنا وبدمنا بيسرى اصحى يا نسر بيضوى على علمى افرد جناحك واخطف نظر عدوى رفرف يا علم و هفهف مع نسيم زرعى نادى يا ازهر شريف يا قلعتى وحصنى ويا سد عالى ناصر شيده لولدى يا قناة سويسنا يا فنار ومنارة هنا لبلدى ويا برج عالى كما فانوس رمضان بيلالى احكى يا مصر بفخر ورددى وقولى اشجع ولد فى الكون اكيد ولدى دايما مشرفنى ورافع للعلا رايتى فارس وحارس صاين ارضى وعرضى اسطوره وحضارة على ارضى متربى كامل وزغلول والهجان وعرابى ورفاعة وطه حسين والعقاد ومكاوى وادريس ومحفوظ وجاهين ونجم وابنودى دول خيرة ولادى وزهر خمايلى وبستانى يا سومه غنى وقولى للكون بصوت عالى وقف الخلق ينظرون كيف ابنى قواعد المجد وحدى *
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
