مشينا لجل نفتح للامل باب
لقينا الطريق بدايته ضباب
بحبك يا مصر حنعبر الطريق
حنمشى نكمل بقلب جرىء
حنكون قد التحدي وحنكمل نعدى
دا شعبك رسالته يساندك ويدى
حنمشى و حبك معانا قنديل
ينور طريقنا يشق الليل
معاكى حنمحى كلمه مستحيل
حنشيلها من قاموسنا و نكتب البديل
حنكتب بدلها كلمه كفاح
يكون بدايته صبر واخره نجاح
واحنا معاك يا سيسى فى اى اصلاح
دا اصل رسالتك كلمه كفاح
وغايتك تحقق لبلدك النجاح
حنمشى ونعبر معاك الطريق
حلفين راح نكمل ومهما تعبنا حنقدر نتحمل
معاك حنتحمل اى ابتلاء
ومش حتكسرنا كلمه الغلاء
حنمشى نصد معاك الريح
قرارنا دا واضح واصله صريح
حنمشى معاك مهو انتا قائدنا
حنمشى معاك وايدك فى ايدنا
معاك راح نهدم جبال الصعاب
وللامل حنفتح مليون الف باب
نقوى العزيمة وتبقى حديد
ونبنى فى بلدنا من اول و جديد
وايدك فى ايدنا نحقق انجازات
تتسجل فى التاريخ ونرجع اللى فات
فى بحر من الظلام يا مصر انتى سفينه
والسيسي فيكى قائد حيعدى البحر بينا
وف بر اسمه الامان حيكون لينا مكان
دى حكايه وحنكيها على مر الزمان
دى حكايه فيها قائد فارس من الفرسان
دى حكايه فيها صبر وعزيمة بدون حدود
لشعب عنده ارادة وف طبعه الصمود
وف يوم من الايام حنفتكر اللى فات
وحتبقى المحنه ساعتها مجرد ذكريات
عشانك يا مصر طريق الصعب هان
وف عهد السيسى قائدنا عشنا فى امن وامان
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
