كتبنا بتاريخك عشقنا ما خنا
و ربى فتحلك طريق النجاه
حلمنا عرفنا رسمنا و كنا
بنينا سجدنا بشكر الإله
عشقنا جمالك سمارك أراضى
و نيل لما لون جمال المزارع
عشقنا و قلبى مسلم و راضى
ما يقدر يخونك تملى يصارع
سهام اللى كرهوا يشوفوا عيونك
بتضحك بترسم طريق الأمان
مخضب ربيعهم بدم البرايا
صراخ المبانى و أنين الزمان
بصوت اللى يلعن خنوع العزايم
و ضعف البصيره و همم الرجال
و ضعف اللى ماتت مافيهم إخوه
و كل اللى قالوا فراقهم محال
بلعنه تطاردهم تعطش قلوبهم
و تسكن حجاره ما بين الجبال
ما تمحى الغشاوه و تعبد ليرتهم
تقطع ما بينهم حبال الوصال
كتبنا بتاريخك يا أرض الكنانه
شهاده بتوقف نزيف الضلال
شهاده تطمن دموع السكالى
يا أرض المحبه يا خير المنال
و مهما هاتقسى هاقولك بحبك
و باشتاق لحضنك و كل الشوارع
و مهما هاتقسى هاكونلك ربيعك
يا أرض المحبه يا كارهه اللى بايع
و هاكتب و أرسم طريقك و اعلم
ما اهاب الديابه بطريق السلام
كورونا تاخدهم و ربى يسلم
عيونك خلايق يا أرض الوئام
و لو غاروا منك هاقولك دا طبعك
هاقولك ضعيفه النفوس أو لئيمه
يا عايشه بكيانى و عايش بنصرك
و لو قالوا فقرك أقولك كريمه
