قصيدة (ساعة المدفع) مسابقة الشعر العامى بقلم/ نجوى عبد النور نجيب المصرى

خاص للمسابقة
فئة الشعر العامي
الاسم/نجوى عبدالنور نجيب مصري
اسم الشهره/نجوى المصري
المحافظة/الشرقية…مدينة العاشر من رمضان
تليفون و واتس/01289530750
رابط صفحة الفيس/https://www.facebook.com/nagwa.elmasry.50
الايميل/nagwaelmasry7@gmail.com

اسم العمل ساعه المدفع

ساعه المدفع

وأنا مَاشى سَاعةْ المَدْفَع
بِينِى وبينَكْ كُنتْ جَعَانْ
عَدَى عَلَيَا إدَانى عَصيِر
وسَندَوتش كِدَه مَليَانْ
لِسَه هَأكُلْ وَاحدَه بوَاحدَه
قُلتْ لِسَه مَ أنْشْ أوَانْ
بَاقِى يَدوُبْ عَلى المَدْفَعْ خَمْسَه
وباقى كَمَان يجِي سِتْ ثَوَانْ
وزِينَة رَمَضَانْ عَ الجُدْرَانْ
وخِير وموَائدْ الَرحمَنْ
فَ رَاحِتْ أُمى قايله تعَالِى
قطَايفْ حِلوْه مِنْ الجِيرَانْ
بَصِيتْ مَنْ شُبَاكنَا لَقِيتْ
مُحَمدْ بيسَبْح سُبحَانْ
رَاحِتْ ودْنِى سَامْعَة المَدْفَعْ
وفِ لَحْظِتْهَا سَامِعْه آدَانْ
نَادَى عَلَيَا قَالْ إيه رَأيْك بَعدْ عِشَانا
نُقضى مسَانا يَلَا رُد بسُرعة الأَنْ
يَلاَ عَ الكُورنِيشْ طوَالِى
يْسمَعْ مِنَا أْحْلَى أغَانِى
وحَكَاوِى حِلْوَه ولَمْتنَا
كُلْ لَحْظَه وكُلْ ثَوَانِى
فَاكِرْ لمَا كُنْت هَتِغْرَقْ
شِلْت هِدُومِى جُوَه سِنَانِى
كُنْت هَغْرَقْ والله مِعَاكْ
نَجَاكْ الله كَمَان نَجَانى
تعْمِلْ عُمْرَه تِجْبْلِى السِبْحَه
أصَلِى تْقُولِى مَا تْنْسَانِى
ولا مذاكرة ونفس الصفحة
أقلب فيها الاقيك قدامى
وأمَا تعَدِى سَنَتِنَا وتِخْلَصْ
جُوَه بيُوتْنَا خَدْنَا تَهَانِى
الشَرْبَاتْ كَتْ أُمِى تبِلُه
وأمَكْ بالزَغَارِيطْ تِمْلَانِى
أصُبْ الحُبْ تْصُبْ الوَردْ
عُمرْ مَا فِينَا حَدْ أنَانِى
نسِينَا الوَقتْ وجِه المَغْرِبْ
خطَاوِينَا عَلى بِيتنَا تقَرَبْ
قَابِلنَا السِمْ فدُوسنَا العَقْرَبْ
قَابِلْنَا الهِمْ كُنَا بنِغْلِبْ
قَابِلنَا الفِتْنَه كُنَا بنِضْرَبْ
قَابِلنَا خِلَافْنَا كُنَا بنِهْرَبْ
قَابِلنَا الحُبْ قُلنَا نجَرَبْ
اليُومْ عَدَى وشَبَع صوُمه
عينُه طَلبِتْ مِنُه نُومُه
فَاقْ لَمَا شَكَالِى هْمُومُه
حَافظْ انَا حَكَاويهْ مِنْ يُومُه
أُمَه مَعَ أُمِى يُومْهَا بْطُولُه
أبُويَا زَىْ أبُوهْ وفِ طُولُه
بَابْ فِ البَابْ هَمْى يعُولُه
وعَدنِى الصُبحْ سَلامُه يقُولهْ
وعدته الصبح حبي ينوله
أنا مَايكِلْ وهُو مُحَمْدْ
أنَا الحُبْ وهُو يصُونُه