عزف ع الجراح
******
بتعزف ع الجراح؟
سكت ألحانك بقي
سبني انسي وارتاح
ف ليالي متفرقة
روحي خلاص فاضت
وسنين العمر غابت ودمي ملي أقداح
يا نجوم متبعزقة أنا قمري ليه مداح
والضلمة ساكنة العيون
ف زنزانة الأفراح
مربوطة ايد مع رجل
خطوتها حبو وحجل
يا عمر وقف بقي
ما خلاص شروق الشقشقة
أصبح بكا وصياح
بنشوف صوت النداهة
يقتل سامع نداها
يا قرب قرب يبعد
احضن ف الحزن واسعد
وبوس جبين الصباح
يمكن تداوي الألم
بالعزف ع الجراح
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
