قصيدة ( برج الحوت ) للشاعر اللواء / محمد هيكل

يابرح الحوت ……………. يا أجمل برج ف الملكوت

شايلك جوه عيني الشوق …. بانيلك جوه قلبي بيوت

.

جميل الطبع ومثالي ……….. و إحساسك قوي عالي

مشاعرك أصلي م الغالي .. وقلبك من دهب وياقوت

.

يامرسوم ف الهوى رسمه.وليك فالقلب 100بصمه

عليك ضحكة وعليك بسمه..أرق كتير من البسكوت

.

سكوتك بحر كله حنان …. وصوتك زي لحن جنان

و راسمينك إيدين فنان …… بترسم بنت من بيروت

.

بتعشق بس ب ضميرك … و تسقي الكل من خيرك

حياتك كلها ل غيرك …… و عاشق كل ناسك موت

.

تحب الحب و بقوّه ………….. ب قوة خُمسميت نوّه

و دايما طفل من جوّه …. وهادي ومستكين وكيوت

.

يابرح الحوت ………….. يا أجمل برج ف الملكوت

شايلك جوه عيني الشوق … بانيلك جوه قلبي بيوت

.

★

★

★

.

الشاعر اللواء / محمد هيكل