براهن عليكى … للشاعرة / نادية لطفى

براهن عليكى
بعمرى اللى الباقى
وقلبى اللى لسه
بينزف حنين
براهن آلاقى فى شمسك
دفايا
يا عشقى ومنايا
يا ناعسه ورا
كل ايوب عليل
يا ماء سلسبيل
وبتهجى فيكى
صلبنى الحروف
لخوفى عليكى
تجاعيد هوايا
رسمها الانين
ونبضى اللى مصلوب
بين العروق
اساسه حنين
ما بعرف الا فحضنك وطن
دا مهما االعطن
سرى فى الجدار
براهن آلاقى
سمارك فى لونى
سنابل بتطرح
فى بكره اللى جاى
ترضع وليدى
لبن شكله عادى
يشبك ايادى
يلملم جروح
ويبدر بذور المحبه
فى نيلك
فكل اللى
يشرب عبير ه يجيلك
بيرفع فى رايتك
وعاشق حنينك
لبن شكله عادى
لكن انزيماته
بتنحت فى اسمك
ربيع القلوب
فتفضل نجومك
بتحضن فى ليلك
تطوف فى ارتسام
النهار اللى نور
سواد الدروب
تكحل عنيكى
بضى الشموخ
يا شمس التاريخ
يأم الضميراللى عرش قلوعه
على الكون حياه
ياسجدة صلاه
بطهر الندى
بتحضن فى كل اللى قلبه بينبض
بهمس السلام
هواكى غرام
فى ارض العذارى
يرفرف نسيمه
بيهدى الحيارى
يفوق سكارى
بسيف اليقين
براهن عليكى
بعمرى اللى باقى
وقلبى اللى لسه
بينزف حنين