رسالة للزمالك
….
قولوا للزمالك
يشيل الأهلي من راسه
الأهلي زي الوطن
جمهوره حراسه
تمانين مليون مشجع
بيشجعوا المارد
جمهور أصيل متربي
الأهلي فوق راسه
…
قولوا للزمالك يفوق
و يبطل الإشاعات
الأهلي سد متين
و في عشقه في حكايات
الأهلي حب العمر
صياد للبطولات
دولاب كؤوس الأهلى
شاكي م الزحمة
و سكوتنا بس عليكم
م الشفقة و الرحمة
فبطلوا ترغوا
و تجيبوا سيرة الكبير
هزموكوا بالستة
هتموتوا م التفكير
مع كل كاس مرفوع
بتموتوا م الغيرة
لاعيبة تعرف أصول
و بتعشق النادي
الأهلي ورث كبير
راح أسيبه لولادي
فبطلوا الفبركة
و كفياكم توقيع
الأهلي نار مع جمر
الأهلي سد منيع
فبلاش كتير م الهري
و قفلوا المواضيع
الأهلي ده فرحتنا
في كل ليلة عيد
لاعيبة رجالة
ما بيخلفوش مواعيد
من اول ابن سليم
لحد بيبو و بشير
من يوم هزيمتكم
تعبتوا م التفكير
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
