خاص بمسابقة همسه
البلد : مصر
الاسم : محمد عاطف عبدالمنعم
شعر عامى : ألف و ميم
بحر طيبه دافى وكريم
لمسه منه تغرق نعيم
حتى الإسم رقيق جميل
ألف بدايته وأخره ميم
………………………..
أمى دى جنة ربنا ع الارض
نفسى ليها أوفى دين
حبى ليها ده سنه وفرض
وصى بيها كل دين
………………………..
أمى هيا سبب وجودى
شجره خضره من جدودى
لما بدروا الأصل فيها
جيت انا وجنيت ورودى
………………………..
زرعت فينا فرحه وأمل
لايوم حسينا مره بملل
نسرح بفكره نحلم ببكره
ويا الأم نطيب م العلل
………………………..
بين ايديها انا عمرى زهر
ورده تدبل لجل ما اكبر
أى قلب مهما حب
حب أمى أنقى وأطهر
………………………….
حضن أمى راحه وسلام
جفن عينى يهوى المنام
لو يكفى عمرى ليها
انا بهدى ليها ألف عام
………………………….
لمسه منها تشفى جراح
شمس نورها تملى براح
لو هتبقى الدنيا عتمه
بيها ليل الكون صباح
…………………………….
دورى يا اشعارى ولفى
لو دين عمرك ما توفى
طيبة أمى وحنانها
حروف الدنيا ما تكفى
