قصيدة وحشتينى يامَّا . للشاعر/ علاء أبو ذكرى

وحشتينى ياما 
=============

كيفك يا أمي 
وكيف الصبايا 
وكيف الولاد
الجُمال الحُسان
—————-
وكيف المعاني
وكيف الاماني
يا عطر المحبة
ياورد الجنان
—————-
وحشتيني طبعا
وروحك معايا
وفاكر كلامك
وابنى ضنايا
—————-
وفاكر ألامك
وفاكر سلامك
وفاكر محبة
بلا اي غاية
—————-
وحشتيني ياما
وخدنى الكلام
سلامي لروحك
ف دار السلام
——————-
وحشنى كلامك
ملامحك . سلامك
وشوقى لحضنك
وقسوة خصامك
———————-
ورغم البعاد
اللي زادة الحنين
ورغم السكوت
والأسي والانين
——————–
واصل لي كلامك
وسامع سلامك
وصوتك بيضحك
ف قلبى الحزين
——————–
سلامي لروح
الجمال البريء
لرمز الطهارة
كأم وصديق
——————
يا رب انت عالم
وغيرك سراب
ترجعني سالم
في يوم الحساب
——————
اخدها ف حضني
واسهر معاها
ف جنة محبة
سمائك مداها
———————-