إسمحلى حبيبي …. يا إسم متفصّل على وصفك كدا بالأمر بموت فِ الطيبة المرسومة على وشك … و بعشق خجلك و انت زى البنات البِكر بشوف الكون على خدك .. بيرمى سلام و يحكى كلام عن طفل من أهل السما التامنة ماليه الطُهر و دلوقتى يا ريت تسمحلى أتغزّل و أحكى و اقول و أعبّر .. كلامى معاك بيتحول .. بقدرة ربنا .. للشِعر و بسهر ليلي يوميا و بستنى طلوع الفجر و يفضل قلبي يدعيلك لحد الضُهر و بعد العصر … تغيب الشمس .. تروح عند ناس تانيين نقطة .. و قفلت الجملة و نبدأ تانى أول سطر عيون الناس مراقبانى و حاسدانى على حبك و مش ذنبى و لا ذنبك .. اكون فِ هواك انا دايبة أكون بنتك .. و مرة تانية اكون أمك .. لكن فِ الاصل انا حبيبتك و انا عشيقتك و بحلفلك بـ وحياتى ما تبعد عنى يا حياتى ما هو انت الأصل من يومك و كل الباقي جمبك : صِفر !! بقلم === الشاعرة \ هناء نوار
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
