((بتاع اشعار))
عشان قلبك بباب مكسور
مهوش مقفول
لا فيه إحساس ولا شعور
ناس داخلين وناس خارجين
كأنه بيت كبيرومش مهجور
ليه حبة تعشي في الظلمة
ولا ماء ولا نور
غلبت أكتب بإحساسي
وإحساسي دا مش منقول
كتبت كتير في كرّاسي
وكرّاسي صبح مبلول
عشان بنصح أنا فيكِ
حاسس إني مش مقبول
رسمّتك وردة في بستان
لقيتك زهرة زرع شيطان
وغاوية تعيشي متصاحبة
في مية صُحبة
ودا يبيعك ودا يسيبك
عشان صُحبة
ودا يوعد إنه يرويكي
ودا بإيديه يسقيكي
ودا متحكم كدا فيكي
بنظرة عينه يخليكي
تروحي النار
بلاش أحكي كتير أسرار
ولما تتكلمي عني
تقولي بتاع أشعار
كأن الشعر دا عيبه بلاش خيبة
وغوري في داهية ومصيبة
حتى قلمي طرش حبره
لما كتب مرة حبيبة
–كلمات–محمود فرج–
