طريق عكسى
تودينى ف طريق عكسى
وتوعدنى بكلام فاضى
وتتعب بالخداع نفسى
وتتمادى وانا راضى
واقولك إيه
مادام اخترت تتعبنى
وتوجعنى ف إحساسى
وبالإهمال تغلِّبنى
وتسقينى مرار كاسى
هيصمت همسى ف وجودك
ومهما كان نغم عودك
هيسكت حسى واتمنع
منيش فاضى
وخدت قرار يريحنى
ويضبط رتم أنفاسى
فطمت القلب عن حبك
منيش محتاج غرام منك
ومش عايز أكون جنبك
وهاتبغدد بعيد عنك
واشوف نفسى
وهارسم قلب يأوينى
ف كراسى
