قصيدة : بِنِّيَه في الغِيََه . للشاعر / طلعت العسلي

ياللي غاويت الحمام

هات للحمام غِيَّه

إملى المساقي و ابْدُر غِلال

و خلِّي القصد بالنِيَّه

إطلع و طَيَّر ف التماسي الحمام
، صَفَّرْ و شاوِر و غَنْيِّلُه أُغنيه

لَفْ الحمام ف السما لَفَّه حريريه

دَخَلِت معاه ف السرب حمامه
بيضه في ديلها ريشه بُنِّيَه

حَطْ الحمام ع الغيه دَخَلِت
معاه بالرضا و بكل حِنِّيَه

طَلَبِت تعيش في الحلال

إبنيلها يا صاحبي ف الغِيَّه بِنِّيَه

جوز الحمام فردين

بالحُب بالوِد صار الحمام مِيَّه

إسعد يا طير بالحياه

إتهنى و عيش عيشه وَرْدِّيَه .